JW王灝兒化身一日麵包店店長 「好珍惜街坊街里同小店嘅關係」
兩個月前，JW王灝兒分享了《開罐Opener》一段關於筲箕灣麵包小店的片段，並且說「Respect!!!! 下次經過一定支持！」兩個月後，她履行承諾，更化身一日店長親身支持小店！
連鎖麵包店開得成行成市，舊式的麵包店買少見少。而筲箕灣就有一間開業逾30年的家庭式麵包店，一家三口每日做足十多小時，做出全筲箕灣最便宜的足料麵包。《開罐Opener》在兩個月前，訪問過這家滿溢餅店。不少網友看過訪問片段後，都大讚老闆有人情味！
【平絕港島】筲箕灣麵包小店日做17小時 $2.5菠蘿雞尾造福街坊
除了在網上分享說要撐小店，兩個月後的今日，JW更用行動來支持滿溢餅店！她特意來到筲箕灣，落手落腳擔當一日店長，希望能幫輕他們的工作。
JW爆超愛吃麵包 「唔食麵包唔安樂」
做店長第一步當然是學整餅，JW第一樣要學做的，就是滿溢餅店的招牌蛋糕仔。看太子爺Toni示範得很輕鬆，但現實並沒有想像中容易！
一邊整包的時候，JW一邊說自己最愛吃麵包。「我好鍾意食麵包㗎，係日日都要食，唔食會唔安樂。」她說自己在天后長大，小時候已經常常光顧幾間麵包小店，每天上學前都會去買麵包。經過時嗅到出爐麵包的香味，便按捺不住要買最愛的菠蘿包或蛋撻。「麵包舖其實真係陪住我成長㗎，一路成長嘅回憶都就係佢（麵包店）㗎啦。」
為甚麼鍾愛麵包小店呢？她說：「應該係咁多年慣咗啦！」因為連鎖店的麵包通常都預先包好，整間店都沒有麵包香味，跟傳統舊式的麵包店很不同，所以自己始終最喜歡光顧麵包小店。
落力賣包 感受街坊熱情
在廚房辛勤一輪後，JW終於踏出舖面賣＿包！因為對麵包的名和價錢不熟悉，夾包、找錢的速度都比較慢。不過幸好各位街坊熟客都很友善，完全沒有介意速度，甚至主動提示她麵包名和價錢。
想念舊時情懷 連繫社區的回憶
回及當初為何分享滿溢餅店的訪問片段？JW說是因為要讓大家知道，有人情味的老闆還有很多，不是每人都只顧著賺錢。「因為我見到佢哋話依區多老人家，所以突登將麵包價錢set得好低，$2.5一個菠蘿包，咁我覺得老闆好有愛心。」
而體驗過一日的麵包店店長後，JW說最深刻的是街坊與小店間的連繫。「我見到好多街坊都係熟客，佢哋幫襯咗好多年，成個family都幫襯依間舖，所以好珍惜依段（舖頭與客人的）關係。」
她又提到自己也有一些小店回憶，好像天后有幾間光顧開的麵包小店，「你係有一個感情係到，買慣野、食慣依到嘅味，你聞慣依到新鮮出爐麵包，一出爐就想買啦，所以依啲所有嘢都係人情味。」
JW承認自己是個懷舊的人，家中很多物品保存了很久。「好似佢哋入面嘅器材啦，都用咗3、40年，壞咗就整返好囉。咁我哋屋企都係咁，好似電話依家成日都轉呀有新機，咁我哋屋企呢其實係會用到個電話壞到再整返好都唔得，用到無得再整先會轉囉。」
【另看】大埔廣福邨手造魚肉燒賣佬回歸 老闆：做出嚟個個咁捧場就開心
JW覺得這些舊的物品，背後往往藏著一些回憶和情懷，把所有人牽連在一起，好像這家麵包小店，是筲箕灣居民的共同回憶，連繫著這個社區的人。
「所以我覺得一定要保留（小店）㗎，所以當一個城市不斷進步，又唔keep住舊嘅嘢時，個感情會唔夠深厚囉。」
想吹那從前的風 想翻看逝去的夢 我來遲了 場地寂靜了不再起哄
這首《維多利亞》的歌詞，正正是講懷念以前的事，好像是一些回憶、情懷或者夢想。「以前會有好多小店啦，咁你真係會同老闆、老闆娘有傾偈，依啲就係我會miss嘅情懷。」她認為香港最特別的，就是那種街坊街里的情懷，令所有人都很親密。她希望政府可以多幫助保留小店，保存一些可以回憶以前情懷的事物，令香港人的感情更深厚。