4年前風雨飄搖，一場雨傘運動，年輕人總會記得一些人一些事。憑著扮劉德華，藉著當下民情，靠《日日去鳩嗚》MV而一夜成名的華Dee，直到現在，人們都只記得他是華Dee，「我想做嘅係演員，唔係一世華dee」。其實，他的名字叫，何啟華。

【點擊「全螢幕」觀看短片】

憑住一副完全不像劉德華的咀臉，只靠著劉華的動作、表情、在何啟華（華Dee）身上，反差很大，非常惹笑。3年多前仍是專注拍片的學舌鳥成員，在雨傘運動期間，拍下一條《日日去鳩嗚》的MV，扮劉德華唱出「日日去鳩嗚，我謝絕你監管」，令他的演藝人生起了一些轉變。「啱啱做華Dee嘅時候呢，我同游學修一齊出街，大家都係搵我影相」。

「我想做演員，唔想做一世華Dee」

至今，片段在YouTube的點撃率，已接近100萬，網片來說，算是非常受歡迎。自此，何啟華多了一個新名字「華Dee」。不過，再沒有人知道他本來的名字。「嗰陣時做訪問，我成日都重覆問一個問題，我使唔使帶華Dee套衫呀，佢哋又會問，你可唔可以用華Dee把聲呀」。

【演員血淚】入行10年沒人識？　拍完場戲被製片話「冇預你食飯」

今日回想，他當時很迷失，「好唔開心，做唔到自己，大家好似對我冇興趣，我想做嘅係咩，我想做嘅係演員，唔係一世華Dee」。

【大碼女生】肥不能當歌手？90後街頭歌后：就算肥都有人聽我唱歌

拍過3套戲　共15句對白

不過，「華Dee」這個角色沒有為他帶來很多名利，就連一份電視台的藝員合約也沒有，「我有數過㗎，我拍過嘅戲有《鴨王》啦，同埋《同囚》，仲有部戲未上畫嘅」，他坦言「加埋嘅對白，都應該有15至16句」。

「好似有少少辜負咗屋企人」

今年27歲的何啟華，尚未建構到自己夢想中的演員舞台，「好似有少少辜負咗屋企人，辜負嘅原因係因為佢哋無時無刻都擔心我，我自己都擔心我嘅前途，再要佢哋擔心我嘅前途，我自己都拆唔到呢單嘢」。

80後祼辭兩年　走遍60國家「你返工唔開心　點解要繼續返？」

何啟華心目中最難忘的畫面，是父母的兩鬢斑白，加上臉上皺紋。他分享2018年一月初的時候，參加內地街舞節目，當他回到香港時，他見到家人最深刻的畫面。「屋企人知我衰咗啦，我望到佢哋嗰種，凳我唔開心，好賤㗎啲人類系統，啲老人斑呢，你真係睇到越來越多㗎，嗰種狀態，嘩，好深刻呀個畫面，嗰吓我爆喊……」

媽媽偷偷地放錢在銀包

踏上演員這條路，幸得家人支持，「有時冇收入嘅，我媽拎我銀包，我第二日打開銀包發現，咦！有錢嘅，多咗幾舊水喺入面，原來我媽偷偷哋攝咗錢入去」。這一份盡在不言中的心意，無疑是一份支持。「自己越來越大，自己做緊嘅事，好似同緊佢哋衰老鬥快，好驚唔可以同佢哋分享自己嘅成就，喺佢哋在生之前」。

演員有血有淚　直言冇入錯行

對於演藝生涯，一直半紅不黑，被問及「有否入錯行」，何啟華毫不動搖地說「冇」。不過提起拍戲時的難堪，難免遇到被人炮轟。「有一次，我坐埋一邊standby，咁我好乖唔出聲，突然間個攝影師指住我，然後就話『X你老母，識唔識拍嘢呀你，你企出來嘛，唔企中間點度位呀，X你老味真係』」當時他的第一反應，只是不斷地道歉，「唔好意思，對唔住對唔住」。

「當你做緊你鍾意嘅事，周圍啲人點樣鬧你，一兩句粗口，唔尊重你、辱罵你，好少事㗎啫」。言談間，對於演藝，他充滿信心，覺得這個夢，總有一日成真，「我好相信自己係得嘅，冇理由做緊一樣自己最叻嘅嘢、最擅長嘅嘢，冇理由連自己都辜負埋。你追尋緊一樣嘢，其實係應該係冇限期，應該係直到永遠」。