精品咖啡店進駐中大　90後店主：希望大學生都可飲靚咖啡

大學生活總是忙於兼職、上莊、趕Deadline，最常去的飯堂當然就是學校裡面的頹Can，但為甚麼「大學飯堂」就一定要跟「頹」掛勾？
精品咖啡廳店主Vincent最近於中大開設咖啡店，以學生為本設計菜單、裝潢，並以學生能負擔的價錢提供高品質的咖啡。

「大家覺得大學就只有頹Can，
但又很理所當然地只有頹Can，
我覺得不應該是這樣。」
店長Vincent如是說，
於是就有了這樣的一間咖啡店：
Paper & Coffee。

Work-Life Balance由學生時代開始養成

Vincent認為香港人的飲食文化太依賴快餐，
從小開始就活於這種快餐文化中，
令他們不懂得去停下來享受當下的生活：
「我覺得其實讀書時已經可以養成一個習慣，
去好嘅咖啡店飲杯嘢，
Relax一下。
到畢業出嚟做嘢，
你就會好識喺工作同生活之間做有品味嘅抉擇。」

更多文章：【雲石蛋糕】90後女生開店賣蛋糕 回首感嘆：應多花時間陪伴家人

以相宜價錢提供高質咖啡

位於北角的本店Brew Note Coffee Roaster，
是Vincent的第一家店，
以淺烘培精品咖啡為主，
正因購入高質咖啡豆及食材，
價錢亦相對較貴。

後來機緣巧合之下，
Vincent有了在中大開分店的機會，
並承諾會提供一個適合大學生的空間：
「我知道喺大學要賣得平啲，
我希望呢度可以用平啲嘅價錢，
但提供同北角店一樣水準高嘅飲品。」

考慮到大學生總愛在咖啡廳坐上一天，
趕趕功課、工作溫習，
Vincent在Paper&Coffee提供特別學生優惠：
「24蚊起買一杯House Brew招牌齋啡，
然後加6蚊就可以續杯，
學生可以繼續飲，
又唔會好有負擔。」

為大學生設計日式家常飯菜

不少宿生需要在中大內解決一日三餐，
Vincent本著「大學為何要與頹Can掛勾」的理念，
經過多番研究，
終調製出滿意的菜式及口味：
「喺呢啲方面我好苛刻㗎。」

瞄準中大沒有日式餐廳，
Paper&Coffee的飯食走日式家常菜風格，
問及廚師團隊的得意之作，
絕對非咖哩莫屬：
「呢個咖哩好得意，
我哋係加咗咖啡落去㗎！」

每個飯食都會伴有大量野菜，
照顧在大學裡少吃蔬菜的學生們，
更會隨季節換上時令蔬菜，
十分有心思呢！

簡約風裝潢　日式榻榻米設計吸睛

一個忽發奇想：
「既然有地方，
不如就做啲從來都唔敢玩嘅嘢啦！」
於是在Paper&Coffee就出現了這個榻榻米區域。

「大學生好多都會踢拖，
尤其好多人住宿舍，
佢哋落嚟可以自由啲，
一班人坐喺上面好Hea，
我覺得好正。」

Vincent更計劃未來利用這個榻榻米區域，
作舉辦活動的地方，
例如化身演出舞台，
舉辦不同的現場音樂演出，
為大家的大學生涯添一點新意。

更多文章：【有線飯堂嘉嘉餐廳月尾結業 侍應Dee姐不捨：個個客我都認得晒！】

Paper&Coffee開業僅一周，
店內驚喜處處，
Vincent坦言腦裡仍有很多主意，
希望可以在這裡付諸實行：
「我哋一直都仲諗緊有咩再可以加，
再可以做好啲，
嚟緊我哋會賣埋飯糰！」
考慮到大學生常匆匆忙忙去上課，
Paper&Coffee即將推出外賣飯糰，
可見他們用心站在大學生的立場，
思考並發展出最適合他們的配套。

相信這一個空間，
會為中大學生源源不絕帶來更多驚喜，
成為學生們得到療癒的地方。

Paper&Coffee
地址：香港中文大學龐萬倫學生中心
前往方法：東鐵大學站D出口，轉右走至康本國際學術園，
沿斜路向上走，經過眾志堂即可抵達，
步行時間約五分鐘。