各位大學同學，快要MID TERM了，學業辛苦嗎？有沒有偶爾想起記放榜的心情？有網民在連登分享自己的放榜經歷，引起不少巴絲打共鳴。
【醉後去放榜】放榜前晚同朋友通宵喺中環海傍隊藍冰，當時打定輸數入唔到想入個科，好彩都叫對得住自己，放咗就即刻衝去隔離班睇下班frd考成點，諗返起真係好熱血。（網上圖片） 【朋友考得差】拎完張cert知自己穩入u，但望住朋友喊到崩潰，個下好想安慰又唔知點出口，如果去問佢地有乜野可以幫手，又會當我幸災樂禍，想抒發下開心，又要忍住，於是企埋一二邊。（網上圖片） 【冇想像中咁好】大約七點開始好緊張，買咗星島日報，結果雖然穩入u，但比我predict低4 分，最後喊L咗兩個鐘。（網上圖片） 【媽媽的聲音】一開頭冇咩感覺，因為都預咗自己考得差，之後打電話比媽咪報告成績果陣，一聽到佢把聲，我幾乎喊到收唔到聲，果一刻我先意識到自己有幾仆街。（網上圖片） 【超級緊張】末代AL，好擔心中化F，然後玩完，行返學校嗰陣，感覺到心臟每下嘅跳動，心不斷離一離咁，最後E左，過關。（網上圖片） 【全班同學應戰】約全班一齊食m記早餐，有成10幾個出，一齊買份星島，出門時同看更呀姨講早晨，心情勁靚咁返學，最後得咗。（網上圖片） 【人生勝利組】屋企人好放心，因為成績一向好，派成績單果時，老師第一個叫我名，然後同學拍手。（網上圖片） 【輕鬆應對】睇完gotze絕殺阿根廷就返去攞了，好平靜。（網上圖片） 【前度搵我】讀書算叻嘅ex，會考前半年分手，打嚟問我考成點，我講咗個分，好低，升唔返原校中六，之後就cut咗佢線。 【全家出動】老豆老母仲緊張過我，老豆仲特登請假，揸車送我去放榜，陪我周圍撲。（網上圖片） 【誤中副車】派cert嗰陣，見到自己中文2咗，個腦空白一片，後尾呀sir發現，派錯咗後面個同學張cert俾我，應該會成世都記住嗰一日。（網上圖片） 【家人支持】放榜之前個晚，同屋企人因為d非學業濕碎嘢嗌交，事後覺得自己好衰仔，不過一家人冇隔夜仇，第日照舊陪我返學校。（網上圖片） 【誰定成敗】而家諗返，其實好小事，一個考試真係唔代表啲咩，雖然當時我好驚好緊張，好似個天跌咗落嚟，好彩身邊仲有屋企人同朋友，而家都叫做到自己想做的事。（網上圖片）