Fresh Grad嘅你最近還好嗎？早前，有fg網民開post話做咗幾個月返工狗，越來越想辭職，原因係太少嘢做、冇嘢學。下面5個網民提到嘅fg辛酸，你有冇同感？
【1. 冇嘢做冇嘢學】有網民話返咗4個月工，都係做吓打雜，Hea到覺得自己個位好 多餘。冇嘢做姐係冇乜嘢學，與其日日返工等放工，不如quit喇。（《未生》劇照） 【2. 話你冇經驗但唔畀機會你學】另外有網民話fg經驗不足，冇乜可能會咁快畀新人孭飛。但你唔畀我唔落手落腳做，又點會有經驗？根本係一個惡性循環。遇到呢啲情況不妨同同事或上司表達 吓，希望可以分擔更多工作，未必要負責一個大project，但參與吓都好！（《未生》劇照） 【2. 人工低到唔敢同屋企人講】最新調查就話大學生起薪點15K，不過仲有好多人可 能搵得12-13K甚至更少。有網民就話人工低到唔敢同屋企人講，堂堂一個大學生搵得 仲少過佢哋，怕佢哋傷心。（《無法成為野獸的我們》劇照） 【2. 人工低到唔敢同屋企人講】放心，You are not alone！好多fg當初搵工唔太順利，幾差嘅offer都接受住先。不過黑心老細實在太多，低人工未必係你唔掂，打探吓同行薪酬幾多，再plan後路罷喇！(《無法成為野獸的我們》劇照) 【3. 被逼食上司死貓】好上司有如再生父母，差嘅上司通常急不及待推你去死！有網民話明明份report成team有份做，上司嘅上司發現上司負責嘅部份有甩漏，上司就第一個拎佢祭旗。(《無法成為野獸的我們》劇照) 【3. 被逼食上司死貓】呢啲辦公室政治，職場小薯總要中幾次伏。所以話Email嘅CC功能係非常重要，記得CC埋啲大粒嘢，邊一步出錯都有跡可尋。你以為Email係畀收件者睇？傻豬仔嚟嘅，係畀CC個堆人睇㗎。(《無法成為野獸的我們》劇照) 【4. 公司太多無理要求】呢個情況最易喺中小企出現，冇制度呀嘛。例如補假無端端被扣起、唔畀連住weekend請等等。仲有網民話試過畀老細女朋友不停抹黑，原 因只係因為怕昆蟲。間公司咁癲，小編都冇咩貼士畀你，有得走就好走喇！(《無法成為野獸的我們》劇照) 【5. Chur得滯太大壓力】同第一項完全相反，有做工程嘅網民話自己一條友要負責幾百萬嘅project，唔夠人手又冇senior帶，好大壓力，仲要OT到完全冇哂自己時間 。仲有做幼稚園老師嘅網民就話chur到捱出病，已經入過兩次廠。（《忘卻的幸子》劇照） 【5. Chur得滯太大壓力】工作量多同複雜嘅好處就係可以暴風成長！對第時轉工都有好處嘅，人地可能要做3年先學識嘅嘢，你1年就學識，咪可以快啲轉份好工囉～但前提係你身體負擔到，嬴咗份工，輸咗身體點計都唔抵！（《68 歲的新入社員》劇照）