【香港01 X ICMA大專聯校歌唱比賽】梁瑞峰：有交流才有進步空間
撰文：李梓媛
出版：更新：
今年【香港01 X ICMA大專聯校歌唱比賽】決賽將於6月26日在麥花臣場館舉行，規模盛大，絕對難得！初賽及複賽已順利舉行，現已進入決賽最後階段，並設有人氣投票活動，支持心水參賽者，歌王歌后你有得揀，投票者更有機會贏取豐富獎品！
以下為參賽者【10】梁瑞峰自我介紹。
龔嘉盛 攝
梁瑞峰 Leung Sui Fung （20歲）
學校： 香港大學 (HKU)
科目：Social Work
年級：Year 2
我好開心因爲唱歌令我識到好多志同道合嘅朋友，佢哋對音樂嘅態度令我對音樂方面嘅想法更成熟。
好享受創作嘅過程 無拘無束
大家好！我叫梁瑞峰。大概3,4年前開始接觸唱歌，我發覺唱歌係一件可以令人開心嘅事！起初都係上網跟住一啲伴奏音樂去唱，但後來想唱女仔歌嘅時候，呢招就唔work了！所以就萌生了自彈自唱嘅念頭。自此之後就更加愛上唱歌，將樂器融入於唱歌之後，我都嘗試創作，不過唔係首首都好聽，哈路。但我好享受創作嘅過程，好無拘無束，就好似世界只有我一人咁。
我唔算有自信，亦冇乜膽量，所以好少參加比賽。不過身邊朋友一直俾好多鼓勵我！覺得要有交流先有進步，佢地俾咗好多動力我去唱歌！好感激佢哋！我亦都想藉比賽去令更多人認識我嘅歌，所以今次大膽地用咗首原創歌去比賽。 我好開心因爲唱歌令我識到好多志同道合嘅朋友，佢地對音樂嘅態度令我對音樂方面嘅想法更成熟。
唱歌之外，我希望將來都可以做一位有貢獻嘅音樂人。我好感激一班係呢段路上一直支持我嘅朋友！雖然有時練歌/做音樂嘅過程好苦悶，但一諗起佢地咁相信我，我就會堅持落去！
最後希望同咁多位參賽者一齊Enjoy今次比賽！Cheers！
+2
決賽詳情
日期：2019年6月26日（星期三）
地點：旺角麥花臣場館