側田口快快自爆12月鐵定開紅館 經理人：冇諗住咁快公佈！
撰文：彭嘉彬
出版：更新：
側田昨晚與Gin Lee於會展舉行音樂會，短短與粉絲相聚一晚，歌迷又點會夠喉？出道十二年，雖然曾六度開紅館演唱會，更試過開足四面台，不過自2015年後也甚少在港舉行演唱會。回港發展已經4年的側田更曾於節目表示：「每個月都入紙紅館，不過一直未批。」直到昨晚完成音樂會後，側田接受媒體訪問時，終於禁不住公布喜訊：「12月8至9號會開紅館演唱會！」
側田尋晚一開完騷就開心宣布：「12月8、9號紅館開騷！」 (網絡圖片)
《香港01》向側田經理人公司求證時，對方表示：「其實呢個消息本身無諗住咁快公布，不過側田做訪問嘅時候可能太開心，口快快講咗出嚟。有關細節會喺6月嘅記者會上面再宣布。」
早前上內地節目《歌手2017》重新演繹《命硬》，令香港歌迷不禁問：「幾時再開紅館？」
側田一向畀人感覺都係一個口直心快嘅人，今次爆響口，其實都唔係一件壞事。