婚後事｜ 陳自瑤出動私伙內衣肉搏黎諾懿 ：拍嗰日唔係好方便
撰文：鄺鈺瑩
出版：更新：
《婚後事》將迎來結局周，一眾主演包括羅子溢、陳自瑤、王敏奕、黎諾懿、羅子宇等今日（17日）現身宣傳活動。
黎諾懿話同陳自瑤嘅肉搏戲，自己睇得其實比觀眾更少。（陳順禎攝）
提到與黎諾懿嘅一場肉搏戲，陳自瑤透露有部分戲份已刪減，一是電視尺度，二來大家都認為點到即止，否則會更震撼觀眾。問到之後會有有足本網上版，黎諾懿表示交由監製決定，但他比較想睇羅天宇裸跑嘅足本。
陳自瑤拍攝肉搏一幕以純白內衣上陣，不過她表示戲組安排嘅內衣褲有點懷舊，所以拍攝前一晚收工後即時去搜購靚款純白內衣。但拍攝當日依然十分緊張。「因為我嗰日唔係好方便，所以成個人唔係好知點樣，又驚穿崩又驚走光，安全意式上唔係好舒服。」
陳自瑤為劇中跳舞戲有事先排練，但拍攝當日有所改動，她要從新排練，加上時間有限，所以十分難。（陳順禎攝）
而講到網上已有劇透大結局，黎諾懿表示唔擔心會影響收視，畢竟觀眾肯花錢率先睇結局，在演員角度來說係開心事。而陳自瑤認為劇中有不少場口值得睇多次，而觀於結局是否完美，二人都認為可留待觀眾自行判斷。