黎明詩驚爆離世享年58歲　周吉佩感惋惜：希望佢一路好走

周吉佩（吉吉）今日（28/3）現身西營盤出席《葉振棠80專輯》新聞發佈會。提到90年代玉女歌手黎明詩驚爆不敵癌魔離世，享年58歲。吉吉接受《香港01》訪問時表示：「我都係啱啱先睇到報道，其實我對佢印象就係喺電視《流行經典50年》見到佢，知道佢因為癌症離開咗，覺得好可惜，我諗到佢喺抗癌嘅過程中一定好痛苦，因為好明白抗癌唔係一件容易嘅事係好辛苦。（有冇聽過佢嘅作品？）本身我對佢認識唔係太多，只係喺嗰個節目《流行經典50年》聽過佢唱歌，亦都知佢係90年代嘅玉女歌手，希望佢一路好走。」