劉松仁大方回應中風傳聞：有啲報道話我死咗㖭
撰文：吳子生
出版：更新：
由劉松仁擔任藝術總監、黃俊達執導、王梓軒及陳潔儀主演的音樂劇《利瑪賓》相隔四載，將於4至28日假香港文化中心大劇院三度重演！今日（8日）劇目主創人員劉松仁、黃俊達及王梓軒假尖沙咀舉行盛大記者招待會。
劉松仁為音樂劇《利瑪賓》擔任藝術總監。（葉志明攝影）
對於不時有傳他身體狀況欠佳，疑似中風口齒不清消息，劉松仁就事件接受《香港01》訪問時表示：「其實自己都做咗幾十年，吓吓要理呢嘅咁嘅報道我咪好唔得閒，明白大家搵碗飯食，你有你嘅崗位，我有我嘅崗位，你有你做，我有我做冇乜所謂，如果到而家仲計較，就叫做活得不明白。我知有啲報道話我死咗㖭。不過我知身邊嘅朋友就會知啲消息真定假，因為我就覺得唔需要為嗰啲不失嘅報道出嚟辯駁澄清。」
被問到舊愛李影離世，有否造成打擊？劉松仁說：「老實講，每個朋友離開係唔捨得，不過都要接受，因為呢個係定律。（會唔會喺幕前演出？）我就話唔會，不過上天安排係點我就唔知，我會順住去，始終我係冇戲癮，同埋我唔恨表演，但我就鍾意做幕後睇人做戲，同埋分享經驗。不過將來係點，講到尾都唔知會發生咩事，都係聽天由命，到咗咁嘅年紀，最緊要每日過得開心，好好享受。」
劉松仁精神奕奕。（葉志明攝影）
王梓軒有幸與劉松仁合作必定獲益良多。（葉志明攝影）