廖子妤為出席電影金像獎備戰加操：一唔做運動個人瘦得好快
撰文：吳子生
出版：更新：
廖子妤（Fish）和栢天男（Adam）今日（9/4）齊齊現身席時裝品牌活動。廖子妤受訪時透露為了有更佳的狀態出席《第42屆香港電影金像獎頒獎典禮》，競逐「最佳女配角」，特意找私人健身教練陪操肌：「因為呢一年不停咁拍戲，一唔做運動個人會瘦得好快，變咗我呢一年成個人都細隻咗，係冇晒肌肉。而我噚日再次去操返之後，發覺原來嘅肌肉從來都冇離開過我咁。但當我一瞓醒佢又瘦返，距離金獎像仲有幾日時間，唯有加把勁勤力啲，我都想出到嚟個身型會靚啲。」
廖子妤角逐第42屆香港電影金像獎最佳女配角。（梁碧玲攝）
栢天男開心有份參演《毒舌大狀》，令他獲益良多。（梁碧玲攝）
栢天男接著說：「今次呢套電影《毒舌大狀》獲提名多個獎項，我能夠同咁多位好戲之人合作，係令我獲益良多，所以我係好期待當晚見到阿Fish攞獎，我同佢喺電影入面飾演兩公婆，雖然我同佢係冇咩嘢講，但我同佢係有好多內心戲，係有好多層次感，所以我對佢攞獎係好有信心。」
廖子妤和栢天男今日齊齊現身席時裝品牌活動。（梁碧玲攝）
栢天男對廖子妤攞獎好有信心。（梁碧玲攝）