王青霞聽到李龍基唔要佢心情低落 基哥庭外再發誓：我係唔會變
撰文：吳子生
出版：更新：
李龍基未婚妻王青霞（Chris）被控為取得入境證而作出虛假陳述、使用虛假文書等六罪，案件今日（16/4）於沙田裁判法院提堂，李龍基亦有到庭聽審。控方在庭上申請加控被告第7條罪名「違反逗留條件期間接受工作」。辯方申請案件押後，希望有足夠時間索取相關文件，獲控方接納。法官將案件押至5月28日再訊，被告繼續還押。
李龍基透露身穿紫色衫，用意是希望王青霞在人群中容易識別自己。（葉志明攝）
李龍基談到未婚妻Chris，情緒又激動。（葉志明攝）
李龍基離開法庭時，被問到今日身穿紫色恤衫聽審，用意希望王青霞在人群中容易識別？基哥不斷喘氣激動落淚：「係呀⋯⋯⋯等佢見到我，等佢安心啲。」情緒一度失控，需要記者從旁安慰。李龍基步出法院繼續接受訪問說：「頭先佢喺庭上見到我，其實佢每日都要見一見我，呢兩個幾月我每日都會去見佢，除咗我上去廣州做嘢之外，日日都會去探佢，都係想佢安心啲。因為有次佢睇到啲報道話我唔要佢⋯⋯⋯我要俾佢知，我唔會唔要佢，我對燈火發誓，我同佢講唔會，我叫佢唔好睇人哋啲，嗰啲係亂咁寫，我係唔會變嘅。而家案件都交晒俾律師處理，變咗而家我哋都做唔到啲乜嘢。」