【有片】龐卓欣美國主修聲樂 評Celine妹妹歌聲：真係有天份嘅！
撰文：何志衡
出版：更新：
前年參選港姐奪得亞軍的龐卓欣(Ada) ，因不滿TVB拍劇工時太長人工又低故拒絕簽約，卸任港姐後無重一身輕，反而實現了她的夢想，現在以教唱歌為主要工作。其實Ada在美國曼哈頓音樂學院讀書時主修聲樂，是唱得之人，之前上過《萬眾同心公益金》演唱意大利歌曲《O Mio Babbino Caro》驚為天人，網友留言大讚她歌聲amazing。
日前Ada接受《香港01》訪問，表示有留意最近被熱烈討論的「小巨肺」Celine譚芷昀，9歲的Celine在《全美一叮》(America’s Got Talent)一鳴驚人，Ada表示看報道才知Celine是香港人，問她覺得Celine是天生好歌喉抑或後天練成？Ada就想起另一個英國小歌星Connie Talbot，Connie Talbot 2007年參加《Britain’s Got Talent》時只得6歲，歌聲同樣感動所有評判，聲名大噪後翌年便推出single，現時16歲的她仍keep住出碟。
+1
只得9歲的Celine唱歌被讚賞，不知她爸爸的負面新聞會否影響她發展。（何志衡攝）
不過Ada卻唔多欣賞Connie Talbot，她指：「佢有晒震音等技巧，但佢把聲好傷，因為呢啲咁細個就參加比賽，好多老師會逼到佢把聲好似好大人咁，其實咁係好傷把聲。」跟住Ada開始評論Celine：「但我覺得Celine係好自然，完全唔覺得佢把聲係扮大個，佢（唱歌）把聲就係佢本身把聲，所以佢係真係叻嘅！真係有天份嘅！佢唱得好好！」
之但係Celine爸爸譚順生咁多負面新聞，唔多唔少都對Celine唱歌發展有影響，Ada就好鼓勵咁話：「都睇到佢好悉心栽培個女，所以應該冇乜影響嘅！」不過小朋友最緊要係讀書，唱歌當係課餘活動先啦！
除教唱歌之外，Ada最近為viu app拍攝了旅遊節目《龐卓欣的Beauty Viu》。
龐卓欣現在拔萃書院教唱歌，她認為Celine很有天份。（何志衡攝）