【獨家．降魔的番外篇】黃建東吊威也勁騰雞 自嘲肥到好似相撲手
撰文：鄺鈺瑩
出版：更新：
短短6年，黃建東增磅不少，係時候要減肥啦。
拍足3個多月的《降魔的番外篇-首部曲》終於去到尾聲，繼上次噴雪大場面之後，這日講述兩位男主角黃建東同楊潮凱要大戰張曦雯。雖則話有CG效果，但吊威也呢家嘢都無得偷雞。正式拍攝前，黃建東頻頻與武指研究落地位置，十分認真。
《番外篇》每集只有5分鐘，但這場威也戲拍足大半日，不過對自認細膽的黃建東來說已經係極限大挑戰。「頭先威也飛起時，導演全部都話好，因為我堅驚，所以表情最自然。」而講到是日一身裝扮，黃建東話事前都有搵健身教練操一操。「因為劇情講鄧佩儀將我同潮凱轉移，但她只轉走了人，轉唔走啲衫，所以變成全裸，頭先睇playback，我好似相撲手咁，拍完之後真係要去減肥。因為今朝一早就開工，好難唔食嘢，但頭先吊威也時，成個乾炒牛河好似會出返嚟咁。」
試位時，劇組鋪定床褥，好讓黃建東同楊潮凱不用受傷。但黃建東的衝力太大，飛咗出街。（黃國立攝）
正式拍攝時，為了觀感，所以收起床褥，直接撻落草地，好痛！黃建東呢個表情完全係發自內心。（黃國立攝）