《同盟》齋睇預告已獲好評 劇迷俾7.4分高過陳偉霆《醉玲瓏》
於8月7日晚 21:30－22:30無綫年度重頭巨製時裝警匪片《同盟》正式面世。集結視帝﹑視后陳展鵬﹑胡定欣與金像影后鮑起靜強勢加盟鬥戲，未播就已經掀起熱話。日前《同盟》率先爆出預告片，場面震撼又華麗令不少電視友都讚不絕口，期待播出之日。
睇返《同盟》的主演卡士與故事，令不少人都覺得與《城寨英雄》的題材類似，又是打打殺殺齊齊對抗敵人。無錯！皆因該劇監製正正是《城寨英雄》的文偉鴻，去年其監製的《城寨英雄》一劇好評如潮成為佳話，大家對他的作品都充滿信心，今次亦不例外「文嘅劇我就唔擔心」…睇好該劇。
《同盟》還未播出香港電視友已經起哄，講到劇情夠張力又真實，同時實力派演員助陣一定好睇，特別是期待鮑姐的演出，對於這種英雄題材的電視劇都有讚無彈。這一陣《同盟》風不但止受香港電視友青睞，就連內地的電視友都被這一陣風吸引，紛紛都話想睇。
《同盟》只是播出預告就已經令觀眾睇到不能自拔，內地電視友都話睇預告都已經睇上癮，表明一定會追看「吊死瘾」「太精彩」……是今年絕不能錯過的港劇。大家對《同盟》的期待值都給予高分，就連內地的網站都對於《同盟》一劇給予高分評價，愛奇藝方面只是一段預告片就已經給予7.4分，甚至於比內地人氣組合TFboys主演的劇集《我們的少年時代》﹑劉詩詩,﹑陳偉霆主演的《醉玲瓏》（同樣是7分）還要高，可想而知氣勢是如何強勁啊！
據知，《同盟》一劇只會在港與馬來西亞播出，內地網友都十分哀愁有何途徑可以觀賞。今次愛奇藝網站顯示出《同盟》的資料，原本以為無綫與愛奇藝合作，《香港01》就詢問無綫方面：「不會，非合拍劇」，咁真係好匪夷所思啊！不管如何都好，證明了港劇在內地仍有市場。
眾所周知，曾幾何時港劇是電視界的一哥，但近年就好似給內地劇慢慢超越，不過港劇仍有它獨特味道，屹立不倒。就好似無綫與內地愛奇藝合作的《踩過界》（內地名《盲俠大律師》），深受內地觀眾青睞，紛紛表明充值都要追睇，口碑更不輸內地製作的《楚喬傳》，評分達8分以上。由此可見香港製作的電視劇其實不比內地劇差，港劇仍然是打不死的。