【踩過界．劇透】結局好多主角慘死 朱千雪話好傷心：結局不完美
撰文：溫菁莉
出版：更新：
係血呀..千雪BB中槍呀...(掩面痛哭中...)
於周末播出的TVB劇集《踩過界》今個星期先會播出第一季嘅第13及14集隨即就會進入第二季，由於今次TVB與內地愛奇藝合作，第二季所有集數已經可以在內地網睇，當然引來不少die-hard觀眾即刻上內地網睇，唔洗等一個月已經可以睇埋大結局。唉..深受網友喜愛嘅千雪BB最終都係劫數難逃，被爸爸單立文殺死。咁咪同《EU超時任務》咁要觀眾喊到眼腫，千雪BB接受《香港01》訪問都話，「結局係好唔開心，希望將來有機會拍返喜劇喇！」
李佳芯被單立文發現揾證據，之後二人仲跑到去草叢中。
第二季就主要講王浩信同朱千雪嘅感情，但可惜期間受爸爸單立文棒打鴛鴦，唯有離開香港遠赴美國讀書仲要決定同翟威廉結婚，最後臨結婚前嘅朱千雪因為忘記唔到王浩信，所以選擇逃婚，仲返香港勸王浩信做手術。劇集邊有咁完美..正當王浩信重見光明當天，朱千雪被殺，而張振朗更認定是兇手，李佳芯覺得另有內情，決定為張振朗做辯護律師。最終更有證物原來證明張振朗係無辜嘅，其實真正殺人兇手係單立文，之後單立文知道李佳芯揾到證物，緊係要殺Ali滅口，仲推埋對方落懸崖。
觀眾最sad一定係朱千雪同王浩信嘅感情最後都係同《EU超時任務》一樣，都係帶有淒美又遺憾，尤其今次朱千雪最後被殺死嘅時候，相信觀眾一定係邊睇邊喊，而千雪BB接受《香港01》訪問時透露自己都有睇返被殺嘅場口，「結局當然係唔開心，其實呢場無論浩信還是監製都用花好多心機去做，表達出當中我地之間嘅感情，希望觀眾可以好似之前《EU超時任務》咁留下深刻印象。」千雪BB其後續道，「雖然結局不是最完美，我同浩信一路都好感激咁多人支持我地呢嗰組合，同對之前劇集嘅延續，對我都係好深嘅感受。」