香港著名堪輿學家麥玲玲師傅今日（16/1）現身電視城出席無綫節目《2025風生水起》記者會。對於新一年香港經濟走勢，玲玲師傅表示：「蛇本身有特性，佢有大半時間都係冬眠，所以蛇係儲存能量嘅動物嚟，咁所以好似條蛇咁守一守，去儲存能量先。同埋蛇係會脫皮嘅，咁即係代表脫變嘅年，我哋有好多嘢要去改變，」

問到港股有什麼板塊要注意？玲玲師傅表示：「入咗火運，藥物我哋係睇高一線嘅，屬水嘅行業航空同環保都唔係好差。但金融的而且確唔容易嘅，大家一定要見好就收。（地產有冇起色？）要有政府一啲扶持先至得，同埋呢個9運起落冇咁大 ，有錢冇錢分別冇咁大，同埋喺區分上，香港係冇咁入運，所以大家係要守一守，唔好期望過高。」