Sony Music旗下歌手林奕匡、葉巧琳和黃妍今日（22/1）齊齊現身九龍灣出席《CHILL CLUB》記者會。對於一直盛傳炎明熹（Gigi)加盟其公司歌手，黃妍接受《香港01》訪問時表示歡迎：「其實我都係睇到新聞先知，我哋都有同事問究竟真定係假，但都得唔到回應。炎明熹都係一位唱得之人，我係好欣賞樂壇入面又或者素人嘅唱得之人，我係好欣賞佢哋才能。」

被問到擔不擔Gigi加盟後，公司資源分配不均？林奕匡表示：「可能調轉呢，可能佢會帶多啲嘅觀眾去欣賞我哋公司嘅其他嘅歌手，但我就真係唔知，可能要問你哋隔離嗰個我嘅同事。」被問到會否期待？葉巧琳接著說：「講真我哋真係冇收到呢個通知，所以冇話期唔期待，真係唔知。」