晶女郎文凱玲工人走佬 勁無助求救︰而家我可以點算好？
撰文：洪曉璇
出版：更新：
「晶女郎」文凱玲（Connie），與拍拖五年的圈外男友Jason去年3月結婚，當時雙喜臨門，7月初上載同老公一齊捧住BB手仔的照片，宣布囡囡IYLA平安出世！產後專注照顧女兒，豈料Connie突然在IG TSORY求救，稱工人姐姐突然走佬相當無助。
Connie在IG STORY以黑底白字寫下長文，指工人姐姐要求辭職馬上返菲律賓：「其實佢已經唔係第一次講話唔做，又話同老公鬧交又話掛住啲仔女，但係之前佢好快就後悔話佢只係亂咁噏，所以今次我地應承咗佢畀佢執嘢走。幫佢準備埋辭職信，話埋俾佢知我地同意佢即刻走，唔使一個月通知亦都唔使賠一個月錢俾我地。」
本來Connie兩夫婦以為退一步，放走工人姐姐就了心事，豈料又遇上麻煩：「但係佢話唔想即刻簽，想去當時請佢嗰間中介公司度處理剩低嘅手續。結果個工人姐姐執晒所有嘢離開咗我屋企，然後仍今日無去到個中介公司，夜晚我發訊息提醒佢，聽日記得去中介公司處理手續同埋收錢。結果佢覆返我話佢唔去﹗唔通佢連錢同機票都唔要？而家我可以點算好？」