【同盟】 炒車爆炸套路例牌出現 吳若希話似睇緊《使徒行者》

撰文:
最後更新日期:

今年4月升呢做媽咪的嘅吳若希(Jinny)近幾個月Instagram經常都上載與囡囡淼淼嘅相片,雖然呢位媽咪現在就全力湊女,但閒時都會留意下TVB嘅最新動向。昨日她在IG上載了一段係屋企睇劇集《同盟》嘅片段,仲一邊清唱《越難越愛》,仲大讚劇集好好睇,「有無覺得d爆破場面好熟口面?」。Jinny透露好似當年《使徒行者》三哥同江美儀,林峰同佘詩曼一齊在車中面臨爆炸關頭。不過,睇返《使徒行者》呢兩集嘅片段又不太似,相反回顧近年TVB的警匪劇,好似有嗰共通點,就係男女主角一定要經歷爆炸先會大團圓。而今次《同盟》標榜多槍戰和爆破場面,事實上過往有好多劇集都有,而網上亦有人講過TVB的爆炸劇情幾乎「老是常出現」。

其實吳若希所講嘅有啲位好熟悉都唔係無原因,講返佢口中《使徒行者》嗰兩幕又係有爆炸場口,而且都係面臨生死關頭,最經典莫過於係爆Seed冒住生命危險,叫釘姐離開,當年真係睇到眼濕濕。而去年播出的例如《EU超時任務》及《致命復活》,男女主角又係要捱爆,如果男女主角一齊就一定要其中一人拖出另一半脫離險境,而他們共渡患難後,大多數都會成為情侶。《EU超時任務》中朱千雪識破了袁偉豪嘅真面目,就點石油氣同歸於盡,千雪bb仲炸到爛面,而王浩信為了救佢又穿越返到過去。《致命復活》大結局最後一幕就係講男女主角郭晉安及萬綺雯在火海逃生,安仔抱住萬綺雯衝出火場,劇集就完咗。今次《同盟》中,亦有場講述鮑姐飾演嘅薇姨為了避開襲擊忍住槍傷駕車保護子杰,中途不幸遇上車禍,被車夾住嘅薇姨就叫子杰離開,不過都有網友話呢幕好感動。

去年台慶劇《致命復活》就用一場大火作大結局。

唔同TVB真係無限loop 劇情?大家可以留意返嘅係《使徒行者》同今次《同盟》都是出自同一監製文偉鴻嘅作品,所以有啲位似係在所難免。

講返吳若希首《越難越愛》,chorus一句「無懼世事變改,還是越難越愛」當年真係紅歌又紅人。除了作為《越難越愛》嘅片尾曲外,每當劇集遇上生死瞬間就會播,簡直可以話係不停loop觀眾嘅腦,仲有人話就咁睇歌詞,腦海即刻有Jinny把聲!所以Jinny睇住《同盟》唱《越難越愛》,其實都好襯套劇嘅。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。