袁偉豪承認同張寶兒拍拖 港姐殺手又出手:想穩定咗先交代

撰文:
最後更新日期:

話說,袁偉豪(Benjamin)跟張寶兒(Bowie)的拍拖傳聞已經傳了成個星期,繼早幾日前《香港01》率先報導Benjamin會在今日公開交代事件,今日真的兌現承諾,在一個公開活動中親承認跟Bowie拍拖,他說:「算係(拍拖)喇,不過而家要工作。(Bowie未認戀情喎?)都啱嘅,未過probation(試用期),大家磨合緊,要俾大家多啲時間。」原來未過試用期,女方究竟怎樣想呢?《香港01》致電Bowie了解,可惜因為工作暫時未有回覆。

佢兩個真係拍拖喇!(視覺中國)

究竟他們是何時開始關係呢?Benjamin表示:「喺《打工捱世界II》了解到對方,大家都係慢慢了解,想穩定咗先交代,同埋感情事都想低調處理,不過紙始終都包唔住火,所以先認。」由於前度岑杏賢是最上鏡小姐,Bowie則是友誼小姐,Benjamin自自然然多了一個「港姐殺手」的稱號,他說:「係緣份,大家話我『港姐殺手』又好,『大媽殺手』又好,自己都要向前,去到呢個年紀都想穩定。始終感情事好難講,自己做嘢圈子愈來愈細,見得最多嘅都係同行,多番考慮下覺得要坦誠面對。」他還說Bowie是一個人十分甜,而且心地好好,相當吸引,不過現在大家都忙於工作,所以暫時都只能夠手機聯絡,更加未見過大家家長。

Benjamin都知紙包唔住火,乖乖哋認咗佢咪得囉!(視覺中國)

其實之前Bowie在接受《香港01》訪問時已經說過,希望自己未來的男朋友會比較成熟和年紀大一點,剛好Benjamin又說自己現在需要穩定,而且年紀也比Bowie大十年,這次真的是「對的時間遇上對的人」了。

希望Bowie今次搵啱人喇。(張寶兒Instagram)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。