李施嬅變歐美雙料影后 努力14年衝出國際：終於有機會講感受！
撰文：郭敏玲
出版：更新：
李施嬅出道十四年，第一個獎項竟然是憑著美國微電影《Once More》，奪得《European Cinematography Awards》及《Los Angeles Film Awards》最佳女主角，成為雙料影后。李施嬅笑言聽到「影后」兩字會心跳加速，因為完全是受寵若驚，還未習慣到：「呢個名好重，拍時完全冇諗過攞獎。監製就message我，話寄咗張certificate嚟，話我拎咗best artress，我當時就問：『咩嚟㗎？』後來知道我拎咗獎，我先知發生咩事，what the hxxl，我拎咗獎！」
李施嬅表示一直都有拍海外的作品，往後都會繼續拍。梁碧玲攝
「我做咗咁多年，年年都有去頒獎禮，睇人攞獎攞得多，今次有呢個機會，可以講返得獎感受，原來真係好鬼死緊張！」第一次奪獎就衝出國際，回想入行14年的入行生涯，她都會有質疑自己的時候：「都會問自己呢一行係咪唔啱自己，拍咗咁多年，係應該點呢？都好似⋯會有猶豫嘅時候。」這段時間，李施嬅坦言幸運地遇上「胡說八道會」，「一班好姊妹畀咗好多正能量我，push大家可以努力去衝。」所以，眼見好姊妹一個又一個得到獎項，李施嬅沒有羨慕及妒忌之心，沒有問為何還未到自己：「我會替佢哋開心，因為大家都係同樣做咗好多年，努力咗咁多年，先至有咁嘅成績。」
李施嬅帶埋影后獎座出現。梁碧玲攝
「當然我都會諗自己會唔會有呢一日喇，自己一直努力咗14年，但個時都覺得呢個機會都好渺望，所以今次拎呢獎我真係絕對諗唔到，係一支極大嘅強心針。」李施嬅為了分享喜悅，一直沒有向任何人講得獎一事，直到跟「胡說八道會」去旅行才在檯底拿出獎項分享喜訊：「就係想睇返佢嘅反應，睇住佢哋為我開心到喊。」不過拎到國際影后，李施嬅都要講句：「我絕對唔會變到好似飛甩雞毛咁㗎！」
李施嬅就算拎到國際獎項，都不會放棄香港市場。梁碧玲攝
+8