【港姐2017】伍樂怡三甲不入 自爆彈古箏非首選:唔輪到我揀

撰文:
最後更新日期:

今屆港姐冠軍雷莊𠒇(Juliette)不斷被網民批評及惡搞,相反落選港姐更受網民熱愛,打入五強但三甲不入的伍樂怡(Kelly)落選後開live,粉絲問佢點解攞唔到冠軍,佢似乎都好無奈:「可能我冇台型。」Kelly媽咪就安慰Kelly:「It doesn’t matter」。

網友問Kelly點解得唔冠軍,佢顯得有點尷尬:「可能我冇台型卦!」

出身於加拿大回流香港的Kelly一直以來都是港姐大熱人選,決賽前已獲頒「我最喜愛佳麗」和「最佳莎莎KOL大獎」兩個獎項,可惜決賽當日連「最上鏡小姐」都攞唔到兼三甲不入,好多網友都戥佢唔抵!

Kelly日前由媽咪駕車載佢返TVB電視城期間喺ig開直播,Kelly一開live即唱了兩首英文歌,然後開始跟網友傾偈,有網友問佢點解攞唔到第一名,Kelly思考了兩秒,然後苦笑答:「點解?我都唔知點解呀!因為可能我冇台型卦,唔知呢!」其實呢個問題應該問DoDo姐唔係問Kelly。然後有網友認為Kelly當晚應該表演唱歌而非彈古箏,Kelly似乎爆內幕:「其實都唔輪到我揀啦!不過如果我揀都會揀番彈古箏。」意思係TVB要佢彈古箏。

Kelly決賽當日表現算唔錯,可惜得唔到評判歡心,尤其DoDo姐囉!

Kelly自言開live開上癮:「唔開live感覺好怪,我喺架車度一悶就會好坐唔定,所以我要開live同你哋傾下偈。」原來她現在是半失業狀態,並承諾會多拍YouTube片:「之前直播化妝嗰啲片段反應都唔錯,所以我會去深究呢啲化妝班……但我最鍾意係去旅行,所以想開個channel帶大家去睇世界。」

+18
+17
+16

伍樂怡當晚表演彈古箏,但佢暗示其實係TVB安排。

當然好多粉絲關心她是否簽約TVB,但Kelly似乎未決定:「呢個問題係幾好嘅!我唔知呀,睇下之後條路點樣行吖!」旁邊駕駛中的媽咪唔願出鏡,不過Kelly仍然問佢點睇自己落選港姐,Kelly媽咪就話:「最緊要做番你自己,參選唔係臝就輸,輸咗就接受現實,你參選嗰時個心態係去享受去學下嘢,It doesn’t matter!」Kelly聽到笑得好開心。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。