【港姐2017】17歲Mandy 文憑試唔理想 大熱伍樂怡滑鐵盧大學畢業

撰文:
最後更新日期:

暫時係呢6位大熱門佳麗。其中張寶欣(左一),伍樂怡(右三),邱晴(右一)被封為3甲熱門。(林迅景攝)

2017香港小姐進行得如火如荼,口號都有得你講:香港小姐一定要智慧與美貌並重。比美貌就大家各有心水,而學歷就成為12位港姐比拼嘅一環。今屆港姐其實實力十分平均,幾乎每位侯選佳麗都是大學畢業。唯獨是17歲嘅Mandy Yau (邱晴)只有DSE畢業,日前訪問中更加透露自己考得不是太好。不過也不用擔心,皆因很多網民都勁like 17歲邱晴,更加非常之看好她。

邱晴。(Instagram圖片)

日前港姐會見傳媒記者會上,就有一個自我介紹同行Catwalk環節。雖然就話係介紹自己,實則就似係俾咁多位侯選港姐show off。唔知點解,外國讀完書回流佳麗介紹自己學歷時,就講得特別有自信又特別清楚。講真外國大學畢業嘅又真係幾多,例如大熱之一張寶欣(Boanne Cheung)就係英國倫敦Cass Business School畢業,排名仲係全英國商學院前十名、仲有University Of California商業經濟畢業嘅胡美胎(Nicole Wu)。另外網民盛讚「好有仙氣」嘅伍樂怡(Kelly Ng)就係多倫多 University of Waterloo,呢間又係北美地區名牌大學。未知是否其他「本地薑」的佳麗覺得自己的大學學歷稍有不及,介紹時只表示是大學畢業,例如何依婷(Regina Ho),在她的個人Instagram內亦可以找到,她是香港城市大學畢業的。而其實香港城市大學其實都是世界大學排名200大之內,也算是不俗。

邱晴近期更積極修身,狂練泰拳。

雖然個個都係大學畢業生,而只有邱晴是DSE中六畢業,不過都不用灰心,畢竟選港姐的考量條件並不只是樣靚及學歷,臨場表演等都是考量之一。加油喎,有咁大巴打撐妳。

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。