【同盟．大結局】陳展鵬其實係好人　Final Boss登基惜下場慘？

近來大家最關心的，相信就是競猜誰是《同盟》裡Final Boss，不論有獎定冇獎，都相當迂迴曲折。因為劇情的鋪排，眼見令家與Rainman之間的角力，進度非常「膠」著！早兩集見到鮑姐假死變真死，陳山聰被捅死再翻生，劇情講到這只不過是一場戲，有觀眾不禁生疑：「有冇咁聰明？」如此劇情實在太冇驚喜，倒不如全速前進揭露Final Boss的真身。

對於《同盟》的劇情，曾經有傳過好幾個疑似Final Boss的消息，分別有江美儀、歐瑞偉、羅樂林及林子善，他們一概封口不認。可是今晚來到最後一集，《同盟》昨晚播出的預告就有蛛絲馬跡。預告中，見到易先生被人鋸死、陳山聰被人黃雀在後，最後被槍斃。緊接的一幕，就是林子善疑似坐上大佬之位，就如之前《香港01》一文：【同盟】無綫海報又自爆終極大佬？ 疑似Boss話：總之唔講得啦！ 所推斷。其後再瀏覽《同盟》的維基百科，頁面顯示最後修訂時間為2017年9月13日 (週三) 07:22，即是今朝。就見到林子善飾演的令家名，其中一個身份為幕後主腦，更指他將會在大結局版陳展鵬設法毒死。有人話《維基百科》信唔過，但是頁面詳細程度又值得參考。點都好，根據TVB的套路，Final Boss必需死。至於係咪林子善？就要睇大結局印證喇。