【同盟．大結局】陳展鵬用一分鐘自薦做Rainman 結局膠到無朋友
撰文：溫菁莉
出版：更新：
今晚TVB劇集《同盟》終於播出大結局，大家有無估中終極大佬係邊個呢？無錯，Final Boss就係由陳展鵬飾演嘅高子杰，大部分網友一邊睇大結局一邊係討論區瘋狂討論，仲表示《同盟》結局「兒戲到爆，膠到無朋友」大家又點睇呢？！
原來林子善唔係Rainman！！
林子善同韓瑪利設局陷害鮑姐！
劇集一開始就講述林子善飾演嘅Anthony同韓瑪利飾演嘅二姑媽則設局陷害令熊，可惜計畫被陳展鵬一早識破，他特別安排媽咪令熊亦進入令氏安全屋，令熊特別叮囑高子杰千萬不要殺死他們，由她來處置。而二姑媽仲背住Anthony偽造令熊簽名，希望之後所有錢都係屬於自己，但期間不幸被Anthony發現，經過一場混亂Anthony用刀殺死二姑媽，殺人過程被高子杰目睹整個過程，就安排毒氣炸彈在會議室陷害Anthony。
原來終極大佬係陳展鵬！
易先生就成為犧牲品。
當令熊知道仔仔高子杰殺死妹妹同侄子，痛罵對方點解要咁狠心，高子杰就話「要做王必須要果斷，係你教我！」令熊相當痛心。江美儀飾演嘅Rainman金天為殺令熊，派出殺手而易先生就成為犧牲品，並告知Kent同高子杰已綁架令熊到教堂。而胡定欣飾演嘅阮清欣得知男友情況後，決定親自出馬幫男友報仇。最後高子杰為救媽咪令熊，不惜獨自前往香港最有勢力嘅4大富豪家族組成的地主會講數，希望可以成為Rainman，最終順利成為Rainman。令熊脫離危險後，收到警方消息發現高子杰嘅屍首。故事邊有咁簡單，高子杰根本無死，一直在背後做Rainman幫地主會工作，原來一直收集4大富豪家族的犯罪資料，並威脅他們。而胡定欣同陳展鵬亦有情人終成眷屬，《同盟》咁就完左喇！