謝霆鋒內地打造「鋒味漢堡包」 香港無得賣連佢都想知點解

撰文:
最後更新日期:

謝霆鋒近年醉心下廚做得有聲有色,早年在內地主持綜藝節目《十二道鋒味》中大展身手,盡顯煮得一面又不失潮味,令不少觀眾都眼前一亮。煮到上癮的他更將廚藝搬上大銀幕拍了一部《鋒味江湖之決戰食神》相當了不起。目前的他除了視下廚為興趣之外更視為事業一部分,版圖更發展到有餐廳﹑曲奇餅店等,可以話對下廚的執著令人為之佩服。

謝霆鋒勁到在麥當勞有自己產品,真係厲害。(網上圖片)

而近來謝大廚的廚藝更被內地麥當勞睇中,邀請他創造一款「星廚系列」,而且仲以他的名字為名相當厲害。首先主食食物中有一款「霆鋒酷辣雞腿堡」,見他邊Chok邊落醬型到不得了,只係見到就已經令人垂涎三尺了。除此之外,霆鋒更玩埋甜品,用曲奇打造了一系列的雪糕,主打港式鴛鴦特色,就是要大家食到他的用心創造:「這道用心為你打造的「星級鋒味」就要征服你的味!」相信大家見到你個樣,未買到嚟食就已經被征服咗喇!

只係睇個樣就已經知道好好食。(網上圖片)

主打港式鴛鴦特色,就是要大家食到他的用心創造。(網上圖片)

而霆鋒亦對於自己的產品十分重視,一出就在社交網站宣傳:「終於面世」,係就係面世不過香港就無份囉!對於這一點他自己都唔知道答案Hashtag「唔好問我點解香港無。我都想知。」搞到香港朋友都好失望「點解香港無」…非常羨慕內地朋友可以食到。而有不少來自世界各地的朋友同香港朋友心情一樣,都好想食到霆鋒的新作「馬來西亞可以有嗎?」「台灣會有嗎?」…睇嚟霆鋒的魅力真係沒法擋。

謝霆鋒都唔知點解香港會無出這一些產品。(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。