《反黑》落實開拍第二季  張建聲:點擊愈高 老闆就再揼多啲水

撰文:張嘉敏
出版:更新:
張建聲與陳小春在劇中有大量對手戲。

近期熱播的網劇《反黑》已經播出了9集,內地點擊率直迫三億,香港的劇迷亦都會晚晚凌晨12點就上YouTube追看,不過期間就發生了一段小插曲,在10月1日凌晨3時YouTube上的《反黑》頻道因遭惡意檢舉而突然被封鎖,幸好到當日早上已解除封鎖,劇迷可以繼續捧場,大家不用擔心。

 

《反黑》點擊億億聲,當然要食住個勢,據可靠消息透露,該劇已落實開拍第二季,劇組已做緊前期工作,正在撰寫劇本,部分角色更已經設計好晒造型,骨幹人物原班人馬上陣之外,亦會加入一些新角色和新的演員陣容,今季投資了6000萬元去製作,而第二季亦會加碼一倍,以1億2千萬製作。

 

劇組對於可以開拍第二季感到非常開心和鼓舞。

香港01記者就電話訪問了張建聲,向他求證《反黑》是否會開拍第二季,他即呼籲大家要繼續多多支持該劇:「係有意出第二季嘅,如果愈多人睇嘅話,咁開拍第二季嘅機會就愈高,因為我哋都係要睇返究竟嗰個view數收到幾多,嚟決定呢件事,所以觀眾嘅點擊率同支持好重要。希望多啲觀眾繼續分享出去,令到我哋嘅點擊率再高啲嘅話,咁我哋就可以更加有勝算係可以叫投資方再加大少少個budget畀我哋,咁我哋就可以做到第二季更加好嘅效果,投資製作嘅budget大啲,我嘅演技又可以再發揮好啲。」

至於觀眾好關心的「誰是Final Boss」,他就好口密不肯透露半句,總之叫大家記得追看下去啦!

 

第二季應該唔會再見到呢幕喇。
唔知招積會唔會喺第二季出場呢?
+22