「認字特警」李天翔求婚成功 雙十節結婚:佢真係好夾到我

撰文:
最後更新日期:

好友鄭世豪有到場,見證李天翔求婚的動人時刻。(鄭世豪Facebook)

在兒童節目做「認字特警」出名、最近在網劇《反黑》做奸角的李天翔,終於要成家立室喇!昨日他的好朋友鄭世豪在Facebook上載了一張照片,見到李天翔向拍拖6年的圈外女友Bobo求婚的情景。相中見到李天翔與女友深情對話,講得雙眼通紅,而女友被男友感動得眼濕濕,用紙巾抹眼淚,場面十分感動。

女友最後都點頭答應李天翔的求婚,兩人即時開心得相擁而哭。原來李天翔已經安排10月10日,即是明天到律師樓簽紙結婚,因為近期忙於拍劇的關係,每日休息時間實在太少,為免結婚後才做求婚動作,李天翔百忙中完成這件事,他真的很細心。

兩人求婚成功後,緊緊相擁,好感動!

事後李天翔接受《香港01》的訪問,自言兩人在半年前有結婚的共識,所以他暗地裡準備驚喜,並笑說:「其實我份人都比較少出聲,又唔係好識講嘢,所以為個party度我都將我想講嘅嘢講晒出嚟。」雖然李天翔明天才簽字結婚,但已經以太太稱呼對方,透露她最意想不到就是李天翔會搞求婚派對,還有邀請女方的好友到場見證。他說:「我覺得呢樣嘢係一定要做。」盡見李天翔籌備求婚的細心。

李天翔最近在人氣網劇《反黑》都有演出,又係做奸角。

李天翔與女友拍拖6年,他以「好叻嘅女仔」形容對方,因為李天翔身為娛樂圈的人,是個公眾人物,工作時間又長又不穩定,作為枕邊人所承受的壓力會更大,但女友Bobo數千天來沒有半句怨言:「佢一開始就接受我嘅工作模式,有陣時因為工作有成個幾兩個月唔見,但係都冇影響我同佢嘅感情。」女友開明的態度,讓李天翔感到舒服,再補充說:「佢又識得睇眉頭眼額,有時我做嘢唔係幾開心,佢一見到我就會自動畀我靜下,唔會嘈我。我係一個鍾意收收埋埋嘅人,就算唔開心都會自己靜下,唔太需要安慰。而如果我開口傾訴,佢會願意去聽,唔會刻意去做啲咩,我就覺得咁樣已經好足夠。」陪伴就是最好的安慰,所以兩人拍拖6年,平靜地分擔對方的一切,從來沒有嗌過交,李天翔對女友讚不絕口:「佢真係好夾到我。」

大家都好熟悉喇!(網上圖片)

李天翔自言性格好悶,都怕會悶到女友,不過兩人的磨合已經解開這個煩惱:「大家都唔會刻意去搵嘢去講,與此同時,好在佢唔注重物質,生日都有送禮物畀佢,但簡簡單單就已經好開心。」就算外界有報道講過女友Bobo是個富家女,但不是物質主義實在難能可貴,這點李天翔都很同意,亦從不介意她收入比自己多:「我同佢一直都係財政獨立,講真佢炒樓嘅事,都係一啲報道出街我先知。拍咗咁耐拖,佢財政上嘅嘢我真係冇過問過,又唔係為咗錢拍拖,一嚟講錢傷感情,二嚟佢搵錢一定多過我,如果我介意嘅話,就唔會行到結婚呢一步。」女友大方成熟,又不愛鋪張,就算明天簽字,都只得家人在場,李天翔說:「識到佢真係好好,佢從來都唔會要求啲咩,大家都冇咩所謂。」據知兩人簽字之後,會去個旅行慶祝,一切從簡。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。