【反黑】陳小春陳國坤合作拍過《古惑仔》 肥屍經典一幕印象深刻

撰文:黃梓恒
出版:更新:

《反黑》兩大男主角陳小春和陳國坤,這個雙陳組合在劇中都有不少對手戲,一個由臥底變返做警員,一個則由警察轉做臥底,兩個人命運不同,但在各自的路上都抱着同一個目標。今次他們兩人合作,成功將整套劇的主線連在一起,雖然有一班老戲骨比較搶戲,風頭甚至蓋過二人,但仍無損他們在劇中的演出。

這個雙陳組合大家又點睇?(劇照)

不過其實兩人已經不是第一次合作,但大家都未必留意到,因為當年陳國坤只是一個「二打六」。話說在《古惑仔3之隻手遮天》裏面,有一幕戲大家都應該十分深刻,就是陳小春、謝天華和朱永棠飾演的山雞、大天二和蕉皮一起到球場踢波,然後跟肥屍有衝突。當肥屍聽到他們三個講出自己是洪興的時候,肥屍就話:「洪興吓話?我黃興㗎,呢個黑興,呢個葉玉卿呀。」當佢指住隔籬嗰個人話係葉玉卿,眼利的觀眾就會留意到他就是陳國坤,在戲中他只有少量戲份,都是在這個球場上,對白加埋不多過5句,所以當時未必會令人留下深刻的印象。

搵唔搵到陳國坤呀?(網上圖片)
+4

陳國坤那時只是一個「閒人」角色,而陳小春已經憑住山雞這個角色走紅中、港、台三地,亦開始走上主角之路。陳國坤多年來一直都只是半紅不黑,大家最記得一定是《少林足球》和《功夫》兩部戲,而他亦因為外貌神似李小龍而更多人留意他。雖然一直都浮浮沉沉,但他並沒有放棄自己的演藝事業,今次《反黑》終於一嘗男主角滋味,而且也是監製,鑑於這套劇的好評,隨時身價暴升,證明努力真的是有成果。

鬼影擒拿手大家都記得喇。(網上圖片)