【反黑】套劇已經死咗十幾人 招積出返嚟會有咩下場?

撰文:
最後更新日期:

下山虎死得好有故事。(劇照)

《反黑》呢套劇死嘅人真係多不勝數,連埋噚日死嘅下山虎,社團洪樂嘅頭目鯊魚、盲超、馬王同智叔全部都死晒,得返話事人鬼王撐住。噚日死嘅仲有雷太,而佢舊相好豬油就一早已經死咗,仲有小黑女友伶伶又係慘死。再數遠啲,作為火屎嘅馬仔穿山甲,第一集就被警方射死,大B哥自己同條𡃁阿才就俾招積迫死,做線人嘅玻璃(梁烈唯)俾佐治手下射死,佐治嘅手下Willy(布偉傑)就因為冒犯Elizabeth而被其殺害,不過Elizabeth噚日又俾雷太殺埋。仲有出賣招積嘅Teddy,病死嘅韓彬之女阿欣(鄭希怡),計計埋埋23集已經死咗16個人,真係好多吓。

以下有劇透,逃生門在此。

洪樂剩係死剩鬼王...(劇照)

其實呢套劇之後仲有大把人會死,張Sir(陳欣健)會被招積炸死,楊Sir(林嘉華)又係俾招積搵人撞死,而作為臥底的光頭(彭懷安)最終亦因為形勢所迫而被少鈞殺死,而其他警察,包括B1-1組各人都無事,相信第2季會繼續見到佢哋。和興盛兩大元佬白頭佬和高佬忠亦都會死,火屎又係俾招積殺死,連字頭律師Philip都俾佢斬到重傷,睇得出招積真係作惡多端,之後連自己的手下哈仔都唔放過,甚至佢嘅幕後主持人佐治一樣逃唔過佢嘅辣手。雖然招積最終被警察拉咗,但最後相信亦都被英國人救返,所以續集會繼續有佢。

唔知少鈞第2季會唔會復職呢?(劇照)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。