【使徒行者2】最終臥底李焯寧係前御用丫鬟 轉職做OL網友嘆浪費

撰文:
最後更新日期:

佢嘅演出都算係劇中亮點。(電視畫面)

《使徒行者2》入面最後一個臥底終於自揭身份,雖然大家一早都已經估到,不過就未必估到梁斯敏(李焯寧飾)原來身份咁複雜。首先她以跨國洗黑錢集團成員的身份出現,之後原來係魏德信(陳豪飾)派佢入去做臥底,但昨日又講到去原來係黎Sir(張兆輝飾)派去魏德信身邊嘅臥底,幾重身份真係好混亂。不過見佢臨尾俾速龍(楊潮凱飾)拎住槍指住,同埋自己又末期癌症,相信佢好快都會死喇。

原來佢係臥底中嘅臥底。(電視畫面)

先唔理佢個角色有咩下場,好多網民喺佢出場之後就話佢好索,係劇中緊次Madam Cheung(蔣祖曼飾)的第二號索女,比起三位名氣較高的宣萱、黃翠如和麥明詩都更搶鏡,實在令人意想不到。其實如果各位觀眾有留意開TVB,相信唔難發現李焯寧(Karen)其實以前一直做一些跑龍套的角色,當年更是TVB的御用丫鬟。Karen在2000年畢業於無綫電視藝員訓練班,但係一直只是在公司浮浮沉沉,捱咗12年便毅然離開TVB,之後去過港視,拍過電影,試過讀書,做過marketing,直到《使徒行者2》大家先記得原來佢仲喺度。已經37歲的她其實完全睇唔出佢個年齡,依然保持得好好,剩係睇網民嘅反應就知道,相信如果佢想繼續幕前演出,一定會有返一班粉絲支持。

37歲真係keep得唔錯。(Instagram圖片)

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。