【後生仔傾吓偈】馮盈盈初戀男友原來契細佬 90後最愛FB亂認親戚
撰文：黃梓恒
出版：更新：
爆料王馮盈盈終於重返節目。（電視畫面）
《後生仔傾吓偈》今集終於又齊人，事關有金句王麥明詩之外，另一位爆料王馮盈盈出返嚟喇！話明係爆料王，講嘢緊係夠爆喇。話說今集係講用網上社交平台交友，講到以前好鍾意喺網上同其他人「認親認戚」，相信唔少80、90後都會經歷呢個階段，例如一個男仔，對個女仔有好感，但又唔想咁快表白破壞呢種曖昧關係，所以就會認佢做「阿妹」，當然係無任何真正嘅親戚關係，不過如比朋友，或是親密朋友更加親密。
你睇佢個樣幾真心。（電視畫面）
在網上亂搞親戚關係，在當年可謂正常不過，隨時在Facebook上的關係表會有十多個親戚。Crystal在節目中說到原來她自己也曾經有呢種風氣，她說：「一開始我個初戀男朋友，我係認佢做契細佬，佢細我一個月左右。一開頭大家開始了解，之後做朋友，咁我就話不如你做我細佬喇，我啲朋友就話我多咗個『契弟』。之後我哋就開始相戀喇，非常之經典嘅橋段。」曾經做唔成情侶先會變契兄弟姐妹，原來情況已經掉返轉喇。
當年唔少人都有玩呢種功能。（網上圖片）
《香港01》記者就住呢件事追問Crystal，原來當年佢中學時機玩得最癲，她說：「其實呢，我最高峰時期，即係喺Facebook上面認親認戚呢種，主要都係中學時期，嗰時通常都會tag好多人做你姐姐或者妹妹，或者tag一啲玩得嘅朋友做姨媽。我亦都試過將我兩隻狗仔set做姐弟嘅關係，反而我就無將自己真細佬show出嚟，所以真係好好笑，你唔係將你真正嘅family member show出嚟，但係咁改啲無血緣關係嘅人做家人。不過自我入咗大學之後就開始無玩呢樣嘢喇，因為已經唔興喇。」的確，呢種風氣基本上已成為歷史，還記得當年有不少討論區都有人招FD子（朋友），自從交友app出現後，這種情況已經成為少數，被時代淘汰。
Crystal嘅青春同好多香港人同一樣。(Facebook圖片)
+4