【熱戀100天】奇妙電視新劇開播冇人知　唐貝詩：呢次係我第一次

講起煲劇，香港人現在已經差不多放棄香港劇集。唔少新一代都寧願睇韓劇、美劇，甚至泰劇，都唔睇港劇。就算支持本地製作，大多數人都是收看TVB。無辦法，慣性收視嘛！不過香港地的免費電視牌照除了扭開部電視就見到的TVB之外，其實還有ViuTV以及部分地區仲係「追唔到台」的奇妙電視。正當ViuTV開始製作自家劇集之際，原來奇妙電視已經靜悄悄地推出咗《熱戀100天》呢套劇，真係唔講都冇人知...

雖然劇就冇咩人提起，不過劇中都有一些值得注意的演員，例如初次擔正做電視劇女主角的唐貝詩。唐貝詩接受《香港01》訪問時就道：「呢次係我第一次拍電視劇，同埋呢套係青春愛情劇。故事講我同另外2個女仔住埋同一個宿舍，咁就有3段唔同嘅愛情線。」不過講到唐貝詩最為人熟悉或者深印象的，除了「盆景貓」事件之外，應該是星二代的身份。

媽媽是1982年香港小姐季軍寇鴻萍的她，再加上契媽就是DoDo姐鄭裕玲。照道理加入娛樂圈的最快途徑就應該是選香港小姐，不過她卻選擇了另一個方法。「當初都好多人提議過我選港姐，但係一來媽咪始終贏過，如果落選我就會好醜，我自己會覺得好冇面咁，所以當時就有呢個包袱。加上要著3點式，雖然之後拍旅遊節目都有著過，但都只係比堅尼加條短褲咁，其實當時我對自己身材冇乜信心。」都啱嘅，著比堅尼上電視喎，全港7百萬人都睇到，你估個個接受到咩。

問到唐貝詩點解唔入TVB拍劇，反而會在奇妙電視亮相。她就回答就：「TVB梗係有興趣啦，因為始終入屋吖嘛。其實我都有客串過《溏心風暴》一個角色。我自己就冇簽電視台嘅，宜家係簽蕭定一間經理人公司，經理人公司都會介紹我俾不同嘅電視台作嘗試。入TVB發展就一定想啦，因為對自己名氣同埋演技都有好大幫助。」
不過有不成文規定說，所有在有線電視或ViuTV亮相拍節目拍劇的演員，TVB短期內都唔會用。唔知唐貝詩又知唔知呢？你知出面好多人都話TVB「小器」啦！