【開心速遞】林凱恩單親家庭長大入行為家人:想令媽咪無咁辛苦

撰文:
最後更新日期:

在《開心速遞》中,林凱恩(左)個男仔頭形象真係幾突出。

《開心速遞》fans對Bonnie這個角色應該有點印象,今晚(周四)在《開心速遞》也有出現,是主角的同學仔之一,這個清秀的女孩子是2015年港姐友誼小姐林凱恩Iris,未必有人留意到她是港姐出身,因同期冠軍是十優女生麥明詩,亞軍是有錢女龐卓欣,季軍郭嘉文被傳是李澤楷女友,各有娛樂性新聞包裝,林凱恩沒人留意是正常,或許有人覺得她選港姐是為了發明星夢,但林凱恩參選主要原因是為了媽媽:「媽咪以前都靚女㗎,佢都想去選港姐,都有人話佢似戚美珍。我而家就係好似幫佢完成咗選港姐嘅感覺。」

Instagram上面,林凱恩也如其他女仔一樣,好多靚相。(Instagram圖片)

林凱恩選美的理由有點像電影《打死不離三父女》,電影中父親未能成為世界摔跤冠軍,最後由女兒完成,林凱恩則代母選港姐,她說:「媽咪以前喺真光(學校)校花嚟㗎,因為佢畢咗業之後就要出嚟做嘢幫屋企,就冇去選(港姐)。」那些年,參選港姐是很多女孩的終極夢想,是一個身份肯定,但很多人為生活而被迫放棄,而林媽媽踏出社會後,就開始過着與大家一樣的生活,工作結婚生仔。直到林凱恩讀中學的時候,林媽媽與林爸爸分開了,林媽媽就開始獨力的照顧林凱恩和凱恩的哥哥。

林凱恩除《開心速遞》外,在《降魔的》也有演出。(電視截圖)

在《降魔的》林凱恩戲份未算太多,但係唔少網民都好留意佢。(電視截圖)

「喺單親家庭長大,其實或多或少都有啲影響。所以我希望自己可以更加努力,令媽咪無咁辛苦,令佢因為我而自豪係最大夢想。選港姐唔係我由細到大嘅夢想,亦都冇諗過我會去選,當時沒想過做藝人。哈哈,其實遞表嗰時我同媽咪都有糾結過選唔選好。」如果是無綫劇,故事應該女兒最後選到港姐冠軍,之後名成利就,但現實是林凱恩只得到友誼小姐,星途要由低做起。

為了實現媽媽的夢想,林凱恩參選香港小姐。(Instagram圖片)

不過林媽媽對女兒十分欣賞,她的每一個演出都不想錯過,林凱恩說:「媽咪電話都有MyTVSuper,咁佢就可以成日睇。同埋將有我嘅新聞記低,然後放落電話度。屋企人會睇完我嘅演出之後,就會俾意見我,有時仲會緊張過我。呢個係好開心嘅,因為有一種凝聚家庭嘅感覺,同埋有一種為屋企人增光嘅感覺。有時嫲嫲喺電視見到我,都會講『係阿恩吖,係阿恩吖』,個感覺係sweet㗎。」

林凱恩真係又孝順又靚女。(Instagram圖片)

劇入面林凱恩真係幾man。(電視截圖)

+26
+25
+24


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。