【EXID】黑心網民叫率智：不如你退團啦！　搞到Hani、正花即爆喊

韓國媒體Dingo成日都搵韓星拍片，今次就搵嚟新鮮comeback嘅EXID！Hani、慧潾、正花同LE昨日帶住新專輯《Full Moon》以主打歌《DDD》回歸，Hani仲留住一頭長捲夢幻紫色曲髮現身，勁有女神風範！而喺Dingo影片中，本身只係得Hani、LE、慧潾同正花四位EXID成員現身，想不到最後竟然有休息中嘅率智，現身同成員們傾偈，仲有滿滿嘅「洋蔥」感添！

EXID隊長兼主唱率智，去年底因為確診「甲狀腺功能亢進」（簡稱「甲亢」）而全面停工休養，更少有在公眾場合露面，不過率智早前都有偷偷去探EXID隊友班。而昨日EXID舉辦嘅新專輯《Full Moon》發售紀念showcase中，率智雖然仍未能參與活動，但都有偷偷去咗發表會支持！而Hani、慧潾、正花同LE一眾EXID隊友都表示：「雖然我哋都好想可以全員一起活動，不過率智姊姊嘅身體先係最重要！」又講到EXID以後永遠都要5個人一齊活動。相信LEGGO（EXID粉絲）聽到呢句都會覺得好窩心！

【EXID】台灣開騷繼續「四缺一」欠率智　Hani撒嬌嚇到隊友叫停

而Dingo今日就公開了影片《re:play EXID》的預告，當中Hani、LE、慧潾同正花4人深情對話，又講到自己看到網上惡評嘅感受，LE：「最終都係冇率智嘅EXID」、慧潾：「終於都明點解佢係副主唱」、Hani：「哇！率智拎住佢哋賺返嚟嘅錢玩玩食食」，又強調真係有人咁樣講！EXID正花就好無力咁話：「我真係好討厭呢個現實」！

更多EXID圖片：

鏡頭一轉EXID坐喺類似首爾漢江旁邊嘅地方，率智現身鏡頭前面，就話：「其他人唔會明白，佢哋係自己估估吓，仲叫我不如你退團啦等等，好似佢哋講嘅都係真咁，令到我都好心痛，我都覺得好辛苦！」而喺隔離聽住嘅Hani同正花都忍唔住低頭爆喊！想睇足本《re:play EXID》嘅LEGGO就要等到11號喇！

EXID - 《re:play EXID》

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/