【降魔的】劉佩玥張銀紙咁假都播出街? 原來驚咗金管局

撰文:
最後更新日期:

昨晚《降魔的》劉佩玥近距離騷1千元紙幣,清楚見到紙幣被後期特效遮住,原來和廣播條例有關。

《降魔的》進入第二周,這套看似牌面弱的劇集,愈戰愈勇,討論區每晚都洗版討論,網友大部份都是正評,唯獨昨晚第9集,大家對劇中有幾個鏡頭,就是劉佩玥用1千蚊引誘馬國明,那張1千蚊令網友充滿「黑人問號」,「點解啲錢要blur咗佢?」「D錢點解要咁假?」「使徒行者2原本D錢好真,之後都好假」有人覺得大台改不了事旦,其實無綫這次被迫事旦,因為拍攝上出現鈔票,原來事前要經過繁複的申請........
 

早前劇集《降魔的》,都有觀眾發現劇內的道具銀紙好假,其實都是為免惹上官非。

《降魔的》監製方駿釗接受《香港01》訪問,他表示因為廣播條例有說明,他說:「由以前到而家拍到銀紙呢,我哋都盡量避,我記得要向金管局申請,而且都需時幾耐,我哋嘅做法就係用後期遮咗啲錢佢。」監製所講的條例,其實金管局網頁有列明,條例如下:「根據《香港法例》第200章《刑事罪行條例》第103條,任何人士如欲以任何形式複製任何香港紙幣或其任何部分,必須向金融管理專員提出書面申請。遞交申請時不得隨附任何複製品,因為此舉可能已構成違反《刑事罪行條例》第103條,如金融管理專員批准複製,有關人士還須徵詢有關發鈔銀行的意見,以防複製紙幣會侵犯其版權。」《香港01》亦打去金管局查詢,原來申請都真係好煩。

《使徒行者2》有幾場戲出現不少像真度很高的1千元。

金管局職員回覆:「拍攝任何香港法定貨幣(紙幣及硬幣),正式嚟講係要申請嘅,可以透過書面或者電郵,解釋下拍攝內容、播放日期,時段,之後我哋會有專人聯絡拍攝單位,再同佢哋詳細傾拍攝細節,完成後會得到一封approval letter,有咗呢封approval letter,大約4至5日,就可以去政府新聞處申請另一封approval letter,有齊兩封就可以拍攝。(如果冇申請,又用真錢拍攝,會唔會有專人捉?)呢方面就答唔到,(TVB用真錢拍攝,但用後期遮走,又得唔得?)咁呢方面亦未有指引。」只可以說制度相當嚴謹啦,拍一個銀紙鏡頭要申請兩封信,唔怪得知TVB要諗計走精面啦,等得你兩封信,套劇都煞科啦。

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。