TFBOYS王俊凱盡得影后歡心　獲章子怡李冰冰教戲

TFBOYS隊長王俊凱同台灣大提琴家兼女星歐陽娜娜早前齊齊亮相《演員的誕生》，歐陽娜娜重新演繹章子怡經典之作《我的父親母親》，結果被章子怡評為「都演得不好」。而重演《唐山大地震》的王俊凱，章子怡對他的評價是合格，兼且即興對戲《遲到》。

表演結束後，王俊凱以「北電大一新生」而非TFBOYS成員作自我介紹，又再獲章子怡點讚，連番表示「我特別特別喜歡」。節目錄影後，王俊凱更與章子怡同到場探班嘅汪峰齊齊自拍，談笑甚歡，完全突顯呢位小鮮肉嘅地位。不過原來除咗章子怡之外，呢位小鮮肉亦都好得李冰冰的歡心，兩位日前一齊睇話劇《窩頭會館》，全程並肩而坐，中場休息時，李冰冰更不停對住王俊凱教戲，講到指手劃腳，似乎十分興奮。

其實李冰冰之前就已經試過邀請王俊凱參加公益活動，今次更一齊睇話劇兼教戲，可見二人交情非淺，亦證明18歲嘅王俊凱唔止深受萬千少女愛戴，連前輩級人馬都冧得掂。其實，自王俊凱成為大學生，並表示要減少工作後，一直有傳TFBOYS會解散，而在三子各自成立工作室後，雖然話「單飛不解散」，但情況令粉絲十分擔心。不過，如今王俊凱已經簽了李冰冰工作室，主力發展電影，而TFBOYS另一成員王源有傳將會同范冰冰合作，將在綜藝多作發展，而易烊千璽同趙薇合作機會就好大，3個後台都咁強勁，怕且粉絲都唔需要擔心啦。