【齊癲大聖福祿壽】阮兆祥惡搞《同盟》 成晚亮點一定係趙學而
撰文：溫菁莉
出版：更新：
踏入台慶11月，每晚10點半每個星期都有唔同嘅綜藝節目，上個星期一連5晚就有現場直播的《我愛EYT》，而今個星期就有王祖藍、李思捷、阮兆祥主持的《齊癲大聖福祿壽》。無錯，見到他們3位，就一定離不開「扮嘢」，昨晚首播阮兆祥就扮劇集《同盟》中鮑起靜飾演嘅令熊，除了身形之外驟眼睇無論語氣，眼神都同令熊有幾分相似，另外把劇中片段剪接成與陳展鵬一問一答咁，更趁機問佢有關同單文柔緋聞同拎視帝的問題。福祿壽扮嘢有幾似都不用多說，而昨晚的亮點相信一定是最後一個環節的特別嘉賓—趙學而！
大家要留意呢嗰係《窮盟》唔係《同盟》嘅片頭！
+5
李思捷昨晚在節目中摹倣王傑，更邀請到趙學而合唱經典歌！
相信好多人唱K，一定會點呢首王傑與趙學而合唱的《誰明浪子心》。
究竟點解亮點係趙學而呢？因為節目最後一個環節就有李思捷化身王傑，唱出K房必唱的經典合唱歌《誰明浪子心》，唱到一半突然趙學而登場，完全勾起不少歌迷嘅回憶！雖然學而唔係同真嘅王傑合唱，但都唱得十分投入，睇到呢幕都忍唔住一齊合唱。原來今次學而特別上節目係為了恭喜「福祿壽」成立10周年，仲話希望他們之後有更多嘅10年！講返王傑的《誰明浪子心》，這首歌最初是1989年推出，有不少歌迷都話唱唔到，因為王傑唱嘅key太低。相隔11年，王傑2000年推出專輯《Giving》，再度錄製《誰明浪子心》，並與趙學而一齊合唱，被不少歌迷大讚水準高，從此成為K房必唱合唱歌！
+8