【降魔的番外篇】黃建東為正劇受歡迎感壓力 白色底褲上陣抗衡

撰文:
最後更新日期:

黃建東喺完全無瘦身的情況下露肉,勇氣可嘉。

劇集《降魔的》落幕,與正劇互相呼應嘅網劇《降魔的番外篇—首部曲》定於12月1日在Big Big Channel上架,於正劇中飾演戀襪癖的黃建東,去到番外篇終於正常返,首次擔正嘅佢於網劇中飾演科學家古尼。「因為我是一個懶叻科學家,嘴邊經常掛着一堆專有名詞,但現實我的科學程度只達到中三,所以記得好辛苦。」正劇備受觀眾喜愛,黃建東表示因而有點壓力。「怕大家會比較,但《番外篇》其實係走輕鬆、搞笑路線,加上CG真係做得非常勁,所以希望觀眾都鍾意。」

黃建東於《降魔的》亦有客串一角,而且更因戀襪癖被馬國明打。「自己都有睇正劇,馬明真係做得好好,尤其係佢同金剛、小儀果幾幕,你知佢平時幾跳脫,但一喊真係心都痛埋,我希望佢可以拎視帝。」

他回想拍攝時需其中一場需要吊威也,由於當時減磅未成功,令拉威也的工作人員極為辛苦。「當工作人員拉起我時會話呢個特別重,要叫多幾個人幫手,見到佢哋辛苦到好似要拉起隻河馬咁,搞到我有啲愧疚。」由《番外篇》開拍至今已有半年多時間,雖然黃建東經常話要減肥,但似乎丁點成果都見唔到,連他自己也笑言愈減愈肥。「之前為新劇試造型,監製講咗4次『黃建東真係好肥』,同埋由於我在劇中係一名教授,好受女學生歡迎,為了這原因,我真係下決心要瘦身。」

黃建東如楊潮凱齊齊在《番外篇》捉妖。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。