《Melon Music Awards 2017》大獎超感動 CHEN@EXO：好掛住Lay！
《2017 Melon Music Awards》（MMA）韓國頒獎禮經過4個鐘之後，終於頒發全晚最受注目嘅3大獎項「Best Album of the Year」、「Best Song of the Year」以及「Best Artist of the Year」。「Best Album of the Year」就由IU獲得，佢得獎後表示：「我一向都冇咩獎拎，但係製作今次《Palette》呢個專輯就對呢個獎好有野心，喺製作期間我都感到自己有好多不足，感謝所有鍾意呢隻碟、幫忙製作嘅人、家人、Uaena（IU粉絲），同埋同時係我朋友亦係我第一位粉絲嘅劉仁娜，來年我會更加努力！」
而《Melon Music Awards 2017》嘅「Best Song of the Year」和「Best Artist of the Year」嘅得獎者，就同昨晚MAMA 2017香港場《2017 Mnet Asia Music Awards in Hong Kong》有所不同，昨晚「Artist of the Year」由BTS防彈少年團冧莊，而EXO就五度奪取「Ablum of the Year」。而今晚《Melon Music Awards 2017》嘅「Best Song of the Year」就由BTS嘅《Spring Day》贏得，隊長RM表示一定要多謝A.R.M.Y（防彈少年團粉絲名）先，又話自己今日講得太多想交俾隊友講吓。J-Hope@BTS就表示：「多謝每位鍾意我哋歌嘅人，我哋7名成員一向都好用心製作音樂，經過好多溝通之下至製作出最後版本。」BTS忙內柾國就大爆自己終於有studio，嚟緊會好用心製作下一隻碟，仲叫A.R.M.Y多多期待添！
更多《Melon Music Awards 2017》圖片：
《Melon Music Awards 2017》最後壓軸大獎之一「Best Artist of the Year」就由EXO攞走！昨晚喊到收唔到聲嘅燦烈就話今晚一定唔會喊！反而今晚喊個個係KAI，而CHEN嘅感言對於EXO-L（EXO粉絲）就絕對係洋蔥位！因為CHEN話：「雖然今日Lay就未能同我哋一齊企喺舞台上，但都好多謝佢！Lay哥哥我好掛住你！我愛你！」事實上，EXO同EXO-L一樣，都好想Lay快啲歸隊呀！
[MMA 2017]EXO,BTS鬥搞笑 伯賢喘氣講感言Jimin柾國扮保鑣護Suga
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/