【收視分析師】《溏心風暴3》要耐性煲 其實爭產已不是重點

撰文:
最後更新日期:

歡迎收睇逢星期三中午12點嘅《收視分析師》,係寫呢篇報導之前,我好想同大家講句,「《誇世代》贏咗呀!」點解要特別先講呢句說話,原因係《誇世代》上個月一直被《降魔的》打壓,今次終於撼贏對手,你話係唔係值得慶祝先?!講返重點,《誇世代》上週平均收視報23.6點。至於播出只有短短一個星期嘅《溏心風暴3》只報22.2點,成績似乎強差人意,究竟係咪真係關TVB「換湯不換藥」事呢?

《誇世代》上週平均收視報23.6點。

+2
+2
+2

「呢度唔係法庭,唔需要證據!」當年個個人嘅口頭禪都係呢句!

唔使多介紹,大家都知2007年推出的《溏心風暴》係咩來頭。第一輯劇中嘅對白幾乎3歲至80歲都識,當然唔少得當年瘋狂無限loop嘅主題曲《講不出聲》。到翌年嘅第二輯,更創下最高收視有50點嘅記錄,風頭係一時無兩。咁點解2017年第三輯有咁大反差呢?內容又係講爭產日日家嘈屋閉,真係你唔悶我都悶。但更重要係,10年前嘅香港未正式流行韓劇,大部分嘅觀眾都係睇TVB劇為主,報紙、八卦雜誌同電視仍是主流媒體。嗰時你唔睇《溏心風暴》,個人係好out㗎喇!10年過後,2017年好多觀眾都係用手機煲劇,而且劇種都離不開韓劇或者大陸劇,所以要將《溏心3》同10年前第一輯比較,似乎就有些不公平!

我班朋友好鍾意睇菊姐鬧人。

《誇世代》贏咗呀!

BTW奈何身邊一班好友都話好好睇,仲話睇到欲罷不能,晚晚睇到半夜三更,「嘈得嚟好好睇 ,無停過」、「好想睇班8婆點反擊」。我認為佢地對溏心係有個「情意結」,首先係當年首播佢地又係日日講,返到學校就瘋狂討論劇情同講對白。呢套劇可以話係不少90後成長嘅印記,相隔10年佢哋都會選擇繼續睇都唔係無原因。而第一輯爆紅原因,正值當時亞洲女首富龔如心病逝,隨即爆發遺產爭奪戰,正正同《溏心》嘅爭產劇情不謀而合。今年《溏心風暴3》播出,又巧合地有港人至愛的譚仔與譚仔三哥被日資烏冬連鎖店收購合併,外界一度猜測引起爭產風波,真係好邪呀?!我大膽估算不久將來,TVB實用呢個案件做藍本!

莊思敏做得幾好!

+8
+8
+8

而昨晚(4/12)一集中,兩大家族就開始正式合併,淨係講公司邊個做CEO都已經鬧一大餐。鬧交呢個重任當然由莊思敏同菊姐負責,佢地連珠炮發瘋狂鬧人,嗰種「八婆」咀臉正正就係一班家庭主婦超鍾意(包括我班年輕朋友),佢地你一句我一句咁,睇到嗰心都想鬧埋一份,我大膽推算呢一幕嘅收視都唔差。所以話呢睇「八婆鬧交」才是王道,雖然條橋係舊啲,但最緊要一班觀眾受呀嘛,如果唔係TVB點會拍完又拍。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。