【Do姐再Shopping】Do姐跟得農夫多 搞gag能力100%大爆發
撰文：溫菁莉
出版：更新：
相信有好多觀眾每晚10點半都會坐定定睇住《Do姐再Shopping》，日前Do姐就同馬國明以及「兩隻嘢」農夫一齊到丹麥旅遊， Do姐唔知係咪跟農夫跟得多，搞gag功力開始有得揮。昨晚新一集中其中一節就到哥本哈根街市刀店及前身為屠房的酒廠參觀，期間Do姐就要求農夫買把刀送給她留念，C君聽完就話，「我要買把呢度無得買嘅刀俾你,Although!Although唔洗but，即刻用到。」Do姐聽完後就笑言，「你呀你烏喱單刀呀！」咁都反擊到，要俾嗰叻叻Do姐呀真係！！
C君話要送把刀俾Do姐，係“Although”....
【Do姐再Shopping】陸永手繪瓷器慘遭Do姐反擊：畫到一pat 茄咁！【Do姐再Shopping：有片】刪剪朱古力篇 翠如BB試食盡顯婆仔性格【Do姐再Shopping】日本篇懶人包 農夫精華笑位盡收錄
無獎問答遊戲：究竟係煙燻定燻煙。
Do姐講完都忍唔住笑自己，並解釋話，「咁英文文法呀嘛！」
但最好笑嘅就一定係佢地之後去到前身為屠房的酒廠參觀，仲即場品嚐了用橡木了10多個小時煙燻的自家製拼盤，原本各人在大讚肉質豐富，期間Do姐就大讚所有肉都好好食，之後就問，「牛肉係咪好少去燻煙。」C君就即刻答，「唔知呀，通常聽到人地講煙燻，好少講燻煙。所以燻煙真係比較少。」Do姐聞言後就好尷尬並反擊，「咁英文文法呀嘛！」其實Do姐搞爛gag仲有好多例子，好似其後節目組將未曝光片段放上Facebook同樣好笑，他們一行人到以甘草為食材的店鋪， Do姐聽完農夫介紹店裏各種食品後，就問佢地，「有無甘草演員呀？」農夫聽到後都俾嗰叻叻手勢Do姐呀！
+6