62歲金牌綠葉陳榮峻向吳香倫求婚　2000人見證：好希望佢能夠開心

「你幾時結婚？」「未吖。」「咁你你求咗婚未吖？」「未㗎。」「你唔求婚就咁結婚？」「唔係㗎咩？」「梗係唔係啦，要求婚㗎。」陳榮峻憶述一次與黃翠如在停車場相遇的對話。就這樣，黃翠如就間接促成了陳榮峻在「TVB職藝員聯歡晚宴」（盤菜宴）上向吳香倫求婚。

話說，62歲的金牌綠葉陳榮峻與同屬TVB的57歲的吳香倫拍拖已有差不多3年時間。2人經常一起出席活動之餘，還會一起結伴旅行。之前陳榮峻到紐西蘭拍攝網路電影《18 28》時，吳香倫與陳榮峻的子女結伴陪在他左右。「個旅行仔仔都有一齊去，成個行程都係囡囡安排㗎。」終於，陳榮峻在回到香港之後就在TVB的盆菜宴上，在2000人的見證之下向吳香倫求婚，更說出了「愛的宣言」。「其實我好怕醜，又唔識講嘢。但係今日為咗我嘅至愛，我好希望佢能夠開心，同埋留下一個好好嘅回憶。」真係好sweet吖。

陳榮峻接受《香港01》訪問時就：「本來都冇諗過求婚，你知我個年代冇呢啲嘢。去紐西蘭之前，做戒指嘅師傅打電話通知我隻戒指已經做起咗。紐西蘭拍戲咁啱就有一幕係我同個女演員求婚，做完紐西蘭個旅行咁啱就係盆菜宴，所以就諗到喺盆菜宴度求婚。尋日（12月8日）朝早10點就走去攞戒指。因為嗰日要開工，我就一直袋住隻戒指等佢收工。到盆菜宴先拎出嚟求婚。」除咗戒指之外，陳榮峻仲好有心意地準備了一盒玫瑰花。「嗰日冇時間買花，所以我就拜托翠如幫手買扎花。」

談到買求婚戒指的使費時，電話另一邊的陳榮峻就羞澀的說：「唏，呢啲唔係講錢嘅，冇計嘅。（有冇2個月人工？）隻介指唔算係平，但又唔算係好貴，價錢就唔講啦。」咁又係，介指同愛情一樣，都係無價㗎嘛。