御用公公陳榮峻同黃日華20年好兄弟 憶最霉日子:佢會買嘢食畀我

撰文:
最後更新日期:

根據歷史記載,皇帝身邊的宦官大部分都是急功近利,貪戀權位。有「御用公公」之稱的陳榮峻,演繹這類角色拿捏得恰到好處,集陰柔與兇險於一身。可是,演戲只是演戲。鏡頭背後,陳榮峻卻是個淡泊名利的演員。加入TVB 33年,比其他綠葉幸運;公司有意力捧為二線男藝人、遇上當家小生黃日華,有對方做貴人,簡直朝中有人好辦事。不過,陳榮峻逆流而上,快樂來源不在於地位高低,而是做到心中所想。他跟監製講:「我想做反派,唔駛做男一、男二㗎。」如是者,做反派做到現在。

就係因為《Sunday好戲王》,佢就成為「公公王」。

62歲陳榮峻,不論談起家人、事業,還是兄弟,他總是輕描淡寫。大概因為2010年太太突然離世,面對塵世間的虛幻,悲慟完就捱過了。曾經被TVB有意捧上二線,陳榮峻沒有貪戀過一刻光景,成為當時的非主流:「做反派係我親自要求㗎!因為我好想做反派,我同監製講唔駛畀我做男二男一喇,我都冇諗過。」就此開始做反派,一做就深入民心,「如果我做男二,都未必有咁多人記得。你話『御用公公』呢,就認得係我,咁唔係仲好咩?」陳榮峻大反其道,卻自得其樂。

陳榮峻在《天命》裏又做公公,飾演李連英。

陳榮峻29歲才加入TVB,後來結婚建立家庭,他更是經濟支柱。為了養家,他試過身兼數職:「之前試過揸的士同專線小巴,而我以前係冷氣技工出身,喺TVB唔駛開工嘅日子,我就會打幾份工。」時間一日只有24小時,要抽身出來打工,實在不是易事。可是陳榮峻在當時,從沒有半句怨言,提起辛酸,他不會直接回應,總說:「都冇咩特別辛酸,份份工都辛苦㗎,辛苦就唔做咩?」已有十幾年沒做的士的陳榮峻,苦捱過了便好,不用刻意再提。作為傳統的男人,一手扛起整頭家,就是耐勞的證明。

陳榮峻好enjoy做奸人。

陳榮峻沒特別記住開的士有多少收入,但記得那段日子並不孤單,他提起了黃日華:「當時佢知道我要揸的士,要養起頭家,佢就會得閒買啲嘢食畀我。」簡單幾個動作,足見兄弟情深。陳榮峻對黃日華讚不絕口:「佢係一個好人,我識佢嘅時候,佢已經好紅,但對後輩好好。」兩人1997年因為《天龍八部》而相識,黃日華完全沒有架子,耐心地教會陳榮峻如何演好一個角色,讓他一直銘記於心。大家都有共同興趣,都是明星足球隊的成員,你追我趕之間,深厚友誼從而建立。

後來,陳榮峻被香港電視挖角,黃日華為了讓對方有好條件,更與王維基講數:「當時佢同王生講,只要陳榮峻滿意條件,佢就會簽兩部劇。」雖然陳榮峻最後沒有過檔,但黃日華是個「找數真漢子」,幫港視拍了兩部劇。如此有情有義,陳榮峻深受感動,一切都在心中。

不過佢亦忠亦奸㗎。

為TVB效力33年,陳榮峻還有3年約。如不續約,他便可以退休,安享晚年。可是他不喜歡把話說得太實:「雖然我仔女都有畀家用我,但係大家各自都有家庭,佢哋都有仔有女,其實我每年得閒去下外國搵下佢哋已經好開心,有得出去行下。至於退唔退休,而家諗仲好早。」

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。