【鋒味】謝霆鋒招兵挑戰世界名廚 港產索模甜品師出場要落足眼力

撰文:鄺鈺瑩
出版:更新:
Amanda S.一出場就已經要出局,連講嘢機會都無,真係慘豬豬。(影片截圖)

廚神謝霆鋒(Chef Nic)主理的《鋒味》終於播出,今次拍攝走勻半個地球,先後去到挪威、雲南、泰國、新西蘭、澳門、意大利、上海等地挑戰各地名廚,並找來容祖兒、Twins、陳偉霆、王嘉爾及小S等嘉賓。不過,今早(9日)播出的第一集,就先在上海進行選拔賽,由於勝出者除可以同世界頂級廚師進行廚藝PK之外,更可獲180萬人仔的創業基金,所以吸引唔少人參加。而成功躋身16強當中,赫然發現混血名模Amanda S.的蹤影,Amanda S.雖然擁有豐富烹製甜品經驗,更曾經擁有自家蛋糕店,但由於《鋒味》選拔賽的食材並非以甜品為主,所以Amanda S.無緣與Chef Nic去到世界各地繼續比賽,但最慘嘅係Amanda S.連出鏡率都極低,甚而連出局時都只係由旁白交代,與其他參賽者有自白的機會甚距甚遠。
 

Amanda S.雖然在《鋒味》出局,但繼續有機會同Chef Nic合作。

現年37歲的Amanda S.,爸爸為法國人,媽媽係台灣人,早年來港發展的她,出道不久即與郭富城傳出緋聞,其後與男友拍拖9年的意大利拉埋天窗,之後開始淡出模特兒界,並主攻甜品生意,亦曾在IFC開店。2015年,Amanda S.宣佈離婚之後,甜點店亦相繼執笠。不過,Amanda S.離婚無耐就宣佈同現任男友Sam拍拖,對方從事投資生意,手上更持有市值超過兩億的物業。雖然男友大有來頭,但Amanda S.似乎想靠自己,除了參加《鋒味》爭取機會之外,早前亦有去到澳門為霆鋒做副手,一齊炮製米芝蓮晚宴的甜品。

吳哲晗可能都有睇過網民剪輯嘅CHOK版《十二道鋒味》所以先會有以上的疑問。(影片截圖)

而在首集當嘉賓的中國女團SHN48,全程花痴上身,不時借機緊貼Chef Nic,但最好笑嘅係當Chef Nic同江振誠對戰時,成員吳哲晗見到Chef Nic「操刀」後,突然好誠懇咁話:「刀功是真的,我之前以為電視上都是假的。」Chef Nic聽到之後,用其魔性的聲音解釋:「我沒想到原來大家覺得在電視上看的都可以是假的。」

謝霆鋒整法式三明治時,SHN48喺後面跳舞打氣,得個嘈字。(影片截圖)
+4