【溏心3】陳敏之同事陳靖雲係清新女神 唔做OL:路係自己選擇 

撰文:黃梓恒
出版:更新:

《溏心風暴3》入面,在許昌旺的集團內,有很多經常過鏡但又未必叫得出名字的演員,其實都有好多是靚仔靚女,個個都在等待一個令大家記得他們的角色。《香港01》將會慢慢為大家介紹他們的每一個,今次要介紹的是飾演陳敏之下屬的陳靖雲(Clare),在劇中她叫Carol,是營運部職員。

大家有沒有留意到陳靖雲(右)呢?

陳靖雲,相信大家都未必聽過她的名字,也未必對這位漂亮的女生有留下印象。參加第27期無綫電視藝員訓練班入行,在以前做過四年文職,刻板的工作的她沒有挑戰性,毅然放下一切加入娛樂圈。不過經過幾年的浸淫,暫時都未能夠找到一個突出的角色,在接受《香港01》訪問時,Clare說:「我入咗TVB大約4年,我開嘅劇集其實都幾多吓,但如果真係講到有戲做嘅話真係唔算多。我覺得我比較印象深刻嘅一場戲係《愛·回家之八時入席》,嗰陣係同祥仔(黎耀祥)做對手戲,開咗兩集左右㗎啫,不過做一個唔係自己做開嘅角色好有挑戰。我記得嗰兩場戲都要我喊,一開頭導演都會叫我行埋一邊培養情緒,到拍嗰陣祥仔都話等我ok就嚟,佢唔會摧我哋。當第二場戲嗰陣由於放咗個飯break,所以我情緒都返唔到去之前第一場戲,喊唔出,祥仔都會同我講喊唔出唔好隔硬,出到嚟啲戲會唔好睇,佢俾我嘅感覺係無壓力同好舒服。」

現在Clare剪了一頭短髮,十分清新。(Instagram圖片)
+5

由一份穩定的文職工作,去到一個多勞多得的地方,大家都知道TVB的新人普遍人工都較低,會否應付不了生活呢?她說:「最初未入TVB之前,屋企人都幾擔心,因為我嗰時半工讀喺公開大學讀part time degree,收入要供自己讀書生活費家用等等。之後入左TVB,屋企人覺得叫做泊咗碼頭反而安心左啲,不過屋企人都無話太多野,因為條路係我自己選擇嘅。由我訓練班出嚟,由$6000底薪,到而家都係得$8000底薪,想要高人工就要爆show。不過而家都ok,我除咗開TVB工,喺出面都有拍吓廣告同電影,都可以補貼我收入。」Clare只是TVB的合約演員,自由度的確較大,公司人工不夠,唯有在出面勤力點吧。

雖然好多時都只是跑龍套,但憑靚樣依然引人注意。(電視畫面)
+6

作為一個演員,大家都想有朝成名,不過Clare不敢想太遠,始終她起步已經比被人慢,唯有盡力做好當前的本份:「紅唔紅太遠喇,同埋太過奢望,我只係等機會,一嚟到我捉緊就ok。我已經30喇,唔諗咁遠,不如做好當下嘅自己,因為我入行嗰陣都有前輩話我咁遲先入行,其實我都係答佢唔知頭唔知路我就入咗呢行。我覺得安於現狀係不進則退,我都希望可以好似何遠東前輩咁,演出一個大家都會記得或者會感動既角色俾觀眾睇,作為一個演員都想演活一個角色。」作為一個新人,好多都會視一些視帝視后級人馬作為目標,黎耀祥就是一個好好的人版,他的經歷是一個演員大器晚成的好例如。不過原來何遠東的出色發揮也會帶動後輩們,的確如果TVB再出多幾個何遠東,認受性和受歡迎程度一定會大大增加,Clare加油吧,何遠東就是一個努力能夠讓人看到的好例子。

游大東認為《降魔的》劇本出色,是去年無綫最佳劇集。(電視畫面)