【亞視復活】陳志雲抽盡以前亞視高層水 今次銀彈充足唔驚俾人笑

撰文:
最後更新日期:

今日亞視開台,為了隆重其事,緊係要開個記者會,最令人關注當然是前無綫總經理陳志雲。除了他是前TVB人之外,他還會在亞視重新主持經典節目《百萬富翁》。當他走上台和司儀曾華倩對答的時候,不停被抽水,又摸胸又提及他的官司事件,不過陳志雲都依然可以輕鬆應對,仲反擊說:「我對於你嗰啲秘史我唸得三番四熟㗎!」

曾華倩對陳志雲完全無手軟呀!(陳順幀攝)

講返《百萬富翁》這個節目,陳志雲就表示今次銀彈充足,仲暗串之前亞視高層拎篋錢出嚟派人工嘅事,他說:「唔使驚,今次高層唔需要拎個篋出嚟㗎喇,6500萬嘅現金準備好㗎喇,你有本事咪每一集拎走100萬囉,睇吓大家有幾醒喇。」講完呢番說話,台上立即遍佈笑聲和掌聲,陳志雲的魅力果然夠勁!曾華倩又再問同事藝員或者其親朋戚友可否參加,陳志雲又好大體咁答:「咁佢又無話唔可以,只要我做人公正公開透明咪得囉,只要你識得運用三個錦囊就可以運籌帷幄。」真係好期待呢個節目呀!

志雲大師真係好風趣。(陳順幀攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。