宋仲基參加《偶像練習生》？　余明君更有Wanna One加持後台勁！

有中國版Produce 101之稱嘅《偶像練習生》將於出年1月19日首播，除咗有參加過《Produce 101》Season 2嘅Justin（黃明昊）同朱正廷加入，更有范冰冰細佬范丞丞提高節目話題性。而《偶像練習生》的全民製作人更係由韓國組合EXO的Lay張藝興擔任，再加上PRISTIN成員周潔瓊同宇宙少女的程瀟擔任舞蹈導師、GOT7香港成員Jackson王嘉爾同MC Jin歐陽靖則擔任rap導師，勢必打造出中國第一男團！

而近日《偶像練習生》逐漸公開各個練習生嘅自我介紹片段，其中一位叫明鵬的練習生原來隸屬英皇娛樂，更做咗練習生3個月，早前參加過《快樂男聲》、《偶滴歌神啊》等中國綜藝。而最特別係明鵬竟長了一副酷似韓國男神宋仲基嘅樣貌，佢又打扮成宋仲基代言濟洲航空時嘅機長一樣，《偶像練習生》未開播，明鵬已經引起不少話題。之不過，就有粉絲在網上留言指明鵬：「現在唱歌不跑調了哦」、「這是偶滴歌神中的音癡小明嗎？」、「他不是因為長得像宋仲基而在網上走紅的嗎」、「唱歌貌似不行」等留言。雖然明鵬喺《偶像練習生》的自我介紹片段入面已唱咗一小段歌，但真正嘅歌唱實力，都係透過正式舞台演出才可以確定！

而另一名《偶像練習生》參加者余明君同樣有重量級人物支持！原來韓國天團Wanna One成員賴冠霖知道好朋友余明君參加《偶像練習生》之後，竟特登拍咗條片支持佢！賴冠霖仲話知道余明君要出演《偶像練習生》，所以覺得好開心，又大讚佢係好有能力嘅人，希望大家都會鍾意佢嘅魅力！

范冰冰細佬范丞丞同Produce 101練習生回國　參選偶像練習生

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/