【溏心風暴3】夏雨重提當年拎視帝︰再唔畀我,拆咗你個台呀!

撰文:
最後更新日期:

《溏心風暴3》到現時為止,收視一直插水,愈來愈差。有人說是套路守舊的問題,有人說是劇情老土沒有驚喜,不過有個很重要的原因,就是當年第一輯的後生演員都已經沒有再出演,包括陳豪。陳豪在《溏心風暴》中彈起,同年更憑此劇奪得「最佳男主角」和「我最喜愛的電視男角色」,不過亦因為這樣,而令到夏雨在當年十分不滿。

陳豪當年做「得得地」,的確係好深入民心。(網上圖片)

+3
+2

夏雨︰「劇入面嘅笑位大部份都係我設計」
今日在電台節目《一圈圈》中,夏雨重提當年第一輯《溏心風暴》失獎後的感覺,認為自己的發揮絕對值得有獎,他說:「第一集嘅角色係浮誇嘅,而劇入面嘅笑位大部份都係我設計,套劇亦都攞晒所有獎,係我斯人獨憔悴,係無嘅。陳豪都唔係做喜劇嘅人,好多都係我話佢聽點做,佢就攞埋最受歡迎角色,攞埋視帝,係咪需要咁呀大佬?第二輯前,我同家豪哥(劉家豪,劇集監製)講我唔做喇,我唔同佢哋來往喇,以後唔拍TVB,不過佢同我講,你唔做可以去邊?點解唔搏多鋪?第一年喺網上,個個都話係黑幕(夏雨失獎),第二年俾我,令我知道輸其實有好多客觀因素,拎到亦都係因為有好多因素,同埋呢個係累積分嚟嘅,之前大家為我抱不平,下年就會覺得今年再唔俾我,拆咗你個台呀!」

不過相信夏雨哥而家都睇化晒喇!(資料圖片)

當年《溏心風暴》的確紅到飛天,在年尾的頒獎禮上搶了六個大獎,除了陳豪的兩個,還有「最佳劇集」、「最佳女主角」李司棋、「我最喜愛的電視女角色」關菊英和「最佳男配角」阮兆祥,唯獨是角色深心入心的大鮑,即係夏雨無獎攞,難怪他當年吞不下氣,直到今時今日都要拎出嚟講喇!

當年《溏心風暴》氣勢真係好勁。(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。